Ukiumut aningaasarsiorfiusumut 2025-mut nammineerluni nalunaarsuiffiup tunniunneqarnissaata kinguartinneqarnera

 Inuit, namminersorlutik inuussutissarsiuteqartut aamma selskabit nammineerlutik nalunaarsuiffimminnik tunniussaqartussaapput kingusinnerpaamik 1. maj 2026-mi.

Akileraaruserinermik ingerlatsineq pillugu inatsimmi § 16, imm. 5 naapertorlugu nammineerluni nalunaarsuiffiup piffissaq tunniunneqarfissaa qinnuteqarnikkut kinguartinneqarnissaa ataasiakkaanut suli periarfissaassaaq. Akileraaruserinermik ingerlatsineq pillugu inatsimmi § 16, imm. 5-mut oqaaseqaatini ima allassimasoqarnera takuneqarsinnaavoq: ”Immikkut pissuteqartillugu akileraaruseriffik nammineerluni nalunaarsuiffimmik nassitsinissap kinguartinneqarnissaanik akuersissuteqarsinnaavoq, tamanna akileraarusiilluni sulinerup aaqqissuunneqarneranut piffissarlu eqqorlugu naammassineqarnissaanut akornutaanngippat. Nammineerluni nalunaarsuiffimmik nassiusinissamik kinguartitsiniarluni qinnuteqaat tunngavilersugaassaaq, kingusinnerpaamillu ullormi nammineerluni nalunaarsuiffiup nassiunneqarfissaani tunniunneqarsimassalluni, tak. imm. 3-miit 4-mut.”

Nammineq nalunaarsuinissaq kingusinnerusukkut nassiunniarlugu qinnuteqaat kingusinnerpaamik 1. maj nassiunneqassaaq. Qinnuteqaat tunngavilersorneqassaaq, soorlu akileraartartup immersuinissaminut paasissutissat tamaasa pissarsiarisimanngikkunigit, napparsimaguni assigisaanilluunniit. Nammineq nalunaarsugassap kingusinnerusukkut nassiunnissaa akileraaruseriffiup itigartissinnaavaa, kingusinnerusukkut nassiussineq suliat pilersaarusiornerinut inaarsarnerinullu kinguarsaataasussaappat.

Akileraartarnermut Aqutsisoqarfiup Nalunaarutaa nr. 59, 19. juli 2011-meersoq uani takusinnaavattaaq.

Kinguartitsiniarnermi immersugassaq

Immersugassaq ataani pineqartoq ataatsimik quppernilik kinguartitsinissamik qinnuteqaataavoq. Immersugassaq PDF-itut toqqornikuuvoq, taamaattumik immersugassaq aassavat, anillatsillugu,