Soraarnerussutisiat
Soraarnerussutisiassat pillugit paasissutissat pingaarnerit eqqartorneqarnerat uani takusinnaavat. Soraarnerussutisiaqartarnerup aaqqissuussaanerani tunngaviit pingaarnerit tassaapput
- Kalaallit Nunaanni soraarnerussutisiaqartarneq pillugu naalakkersuinikkut anguniagaavoq innuttaasut tamarmik soraarninngornissaminnut ileqqaarnissaat. Tamanna taagorneqar-poq soraarnerussutisiaqalernissamut aaqqissuussinermut peqataasussaatitaaneq.
- Soraarnerussutisiaqalernissamut aaqqissuussinerit Kalaallit Nunaanniippat, taava akiliuti-tit (tassa soraarnerussutisiaqalernissamut aaqqissuussinernut nammineq pilersissimasa-nut) ilanngaatigisinnaavatit imaluunniit sulisitsisup akiliutai (tassa soraarnerussutisiaqaler-nissamut aaqqissuussinernut sulisitsisumit isumagineqartunut) akileraaruserneqassan-ngillat. Aningaasat akilerneqarsimasut aatsaat soraarnerussutisiassatit tunniunneqartaler-pata akileraarutigisalissavatit.
- Soraarnerussutisiaqalernissamut aaqqissuussinerit Kalaallit Nunaata avataaniippat, taava soraarnerussutisiassanut akiliutit akileraarutaat piffissami akiliiffiusumi akilissavatit. Ta-manna taagorneqarpoq akileraarusiinissamik siuartitsineq. Kisianni aningaasat soraarnin-ngorlutit tigusalerukkit akileraarutigisartussaanngilatit.
- Soraarnerussutisiaqalernissamut aaqqissuussinerit nunani allaniittut ilaasa iluanaarutaan-nit akilertussaavat pigisanit pissarsiat akileraarutaat. Kisianni soraarnerussutisiaqalernissamut aaqqissuussinermik Kalaallit Nunaanniittumik peqaruit akileraarut PAL akilissavat. Iluanaarutinik akileraaruseeriaatsini taakkunani marlunni akile-raarut iluanaarutit 15,3%-eraat.
- Soraarnerussutisiassatit Kalaallit Nunaanniillutit tunniunneqartalerpata, akileraarusiinis-sami apeqqutaassaaq soraarnerussutisiassanut akiliutaasarsimasut piffissami akilerne-qarmata akileraarutaannik akileereersimanersutit.
- Kalaallit Nunaannit soraarnerussutisiassatit nunami allamiillutit tunniunneqartalerpata, nunami tassani maleruagassat qanoq akileraartinneqarnissannut apeqqutaajumaarput. Kalaallit Nunaata nunat assigiinngitsut – matumani aamma Danmark – marloriaammik akileraannginnissaq pillugu isumaqatigiissuteqarfigai, innuttaasullu nunami ataasiinnarmi akileraartinneqarnissaat taakkunatigut qulakkeerneqarpoq.