Akileraartarnermut Aqutsisoqarfik (AKA) aaqqissuussaanermigut Aningaasaqarnermut Naalakkersuisoqarfiup ataani inissisimavoq.
Akileraartarnermut Aqutsisoqarfiup akileraarnermut, akitsuutinut akiliisitsiniarnermullu tunngasunik ingerlatsinermi sulianik isumaginnippoq.
Aaqqissugaaneq suliassat aaqqissuussaanerannik ilassuteqarpoq, inerisaanermi suliassat, suliassat
arlalinnit ingerlanneqartut aamma suliassat annertunerusut.
Tamanna aqutsisoqarfiup iluani avataanilu
suliassanut atuuppoq.
Kiisalu aaqqissugaanermut ilisarnaataalluni isumalluutinik arlalinneersunik pisariaqartitsisarneq
atuisarnerlu, pingaartumik immikkut piginnaasaqarfiusuni suliassanilu annertunerusuni/ulapiffiusuni.
Akileraartarnermut Aqutsisoqarfik pingaarnertigut sisamanik immikkoortortaqarluni aaqqissugaavoq:
• Aningaasaqarnermut immikkoortortaq
• Akileraarutit nakkutilliinerlu
• Akiliisitsiniartarneq
• Suliat ataatsimoorussat
Kiisalu aqutsisoqarfimmi sulineq, ilanngaaserineq aamma pisuussutinit iluanaarutit.
Aqutsisoqarfimmi pisortap Akileraartarnermut Aqutsisoqarfimmi aqutsinermik isumaginnippoq.
Ukiumut 2021-imut nalunaarut uani aasinnaavat
Ukiumut 2020-imut nalunaarut uani aasinnaavat
Ukiumut 2019-imut nalunaarut uani aasinnaavat
Ukiumut 2018-imut nalunaarut uani aasinnaavat
Ukiumut 2017-imut nalunaarut uani aasinnaavat
Ukiumut 2016-imut nalunaarut uani aasinnaavat
Akileraartarnermut Aqutsisoqarfiup innuttaasunut suliffeqarfiutilinnullu sullissilluarnissaq qitiutippaa.
Sullissineq ataqatigiissagaavoq ima; Saaffiginnissutit ingerlaannartumik naammassillugit suliarineqarsinnaasut, Akileraartarnermut Aqutsisoqarfiup saaffiginnittarfiini suliarineqartarput. Saaffiginnissutit ingerlaannartumik naammassineqarsinnaanngitsut aqutsisoqarfiup immikkoortortaanut allanut innersuunneqartarput.
Akileraartarnermut Aqutsisoqarfiup anguniagarivaa, innuttaasut Akileraartarnermut Aqutsisoqarfimmut, ajornanngitsumik isersinnaanissaat atuisinnaanissaallu taamatuttaaq anguniagaavoq sullissineq inunnut ataasiakkaanut naleqquttuullunilu paasiuminartuussasoq.
Paasissutissat qarasaasiatigut ajornanngitsumik, aqutsisoqarfiup nittartagaani www.aka.gl –imi aaneqarsinnaassapput.
Innuttaasup misigisimassavaa saaffiginnissutiminut naapertuuttumik saaffiginnissutigisarlu qitiutillugu sullinneqarluni. Pisariaqartitsinerit naapertorlugu sulisut ikiorlutillu ilitsersuutissavaatsit, ilinnut Akileraartarnermut Aqutsisoqarfimmullu sullissineq oqinnerpaajutinniarlugu.
Innuttaasutut suliffeqarfiutilittullu eqqortumik sullinneqarnissat naatsorsuutigisinnaavat, sulisunik tunniusimallutillu akisussaassusilinnit.
Innuttaasut ataasiakkaat suliffeqarfiutillillu inissisimanerat pisariaqartitaallu aallaavigalugit Akileraartarnermut Aqutsisoqarfik sullissisarpoq.
Ornigullutit qarasaasiatigulluunniit saaffiginnikkaangavit Akileraartarnermut Aqutsisoqarfiup pitsaasumik angusaqarfiusumillu sullinneqarnissat tamatigut anguniagarisarpaa.
Akileraartarnermut Aqutsisoqarfimmi immikkoortortat aggorneri aporfiginagit suleriaaseqarpugut suliffeqarfittullu ataatsitut misigineqarnissaq kissaatigaarput innuttaasunullu kiffartuussineq ataatsimoorussaq aallaavigalugu suliaqartartutut isigineqarusulluta, suliassaq immikkoortortami sorlermi inissisimagaluarpalluunniit. Eqqortumik sullinneqarnissat uagut akisussaaffigaarput.
Akileraartarnermut Aqutsisoqarfiup kiffartuussinermut nalerai:
Akileraartarnermut Aqutsisoqarfiup innuttaasunut, suliffeqarfinnut, piginneqataasunut allanullu Akileraartarnermut Aqutsisoqarfimmut attaveqartartunut sullissilluarnissamut naleqqatut makku toqqarsimavagut.
Attavigiuminartuuneq
Akileraartarnermut Aqutsisoqarfik innuttaasunit attavigiuminartuunissaa pingaaruteqarpoq tamannalu innuttaasut pisariaqartitaannik periarfissaannik kissaataannillu aallaaveqassaaq.
Sulisut innuttaasunut soqutiginnillutik sullissisarnissaat pingaaruteqarpoq.
Taamaattumik aqutsisoqarfimmi attavigineqarnissamut periarfissat nalilersorlugillu periarfissanik piorsaanermik ataavartumik suliaqartarpugut. Kissaatigaarput ornigulluni qarasaasiatigullu saaffiginninnernut attavigiuminartuunissarput. Kissaatigaarputtaaq qarasaasiatigut kiffartuussinerup annertunerulersinneqarnissaa, tassuuna innuttaasoq nammineerluni isumagisinnaasunngortillugu taamatuttaaq paasissutissat sapinngisamik amerlanerpaat innuttaasunit ajornannginnerusumik takuneqarsinnaalersinnissaat kissaatigaarput.
Akileraartarnermut Aqutsisoqarfiup suliarisartagaasa suuneri innuttaasunut paasiuminartuunissaat pingaaruteqarpoq.
Akileraartarnermut Aqutsisoqarfiup anguniagaraa, Kalaallit Nunaanni tusagassiuutitigut qarasaasiatigullu paasissutissanik, innuttaasut suliffeqarfiillu sapinngisamik amerlanerpaat angussallugit.
Sulianut pimoorussineq
Sullissineq sapinngisamik pitsaanerpaaq anguniarlugu suleriaatsit pitsanngorsarneqartuartarput. Tamanna ataavartumik pikkorissaanertigut, piginnaasanik qaffassaajuarnikkut sulianillu ataqatigiissaarinikkut anguniarneqartarpoq, taama ingerlatsinikkut sulisut suliaminnut pikkorissuseqarlutik naammassinnissinnaanerat angujumallugu.
Akileraartarnermut Aqutsisoqarfimmi sulisut atugarissaarnissaat, suliap nuannersuunissaa piumassuseqarnissaallu ataavartumik sammineqartarput.
Sullerissuseq
Akileraartarnermut Aqutsisoqarfimmi suleriaatsit sullerissaanerillu ingerlanneqartuaannarput. Tamanna immikkoortortat akornanni ataqatigiissaarinernik suleqatigiinnertigullu ilaatigut pisarpoq. Suliat
ataqatigiissumik qaffasissumillu suliarilluakkat anguniakkatut tunaartarineqartuaannarpoq.
Akileraartarnermut Aqutsisoqarfimmi suliassat assigiinngitsorpassuupput. Taamaattumik kukkunerit pinngitsoortikkuminaattarput. Tamanna pissutigalugu kukkunerit pinngitsoortinnissaat annikinnerpaamiitinnissaallu eqeersimaffigiuaannarparput. Kukkusoqarsimatillugu iliuuseqarfiginissaat pingaarnerpaatut isigaarput. Kukkunerit iluarsiiviginiarneri ammasumik unneqqarissumillu ingerlanneqartarnissaat naatsorsuutigisinnaavat, akornatsinni tatigeqatigiinnerup attatiinnarnissaa imaluunniit iluarseqqinneqarnissaa siunertaralugu. Kukkunerit ilinniarfigisassavagut taamaasilluta assinginik kukkusoqaqqinnissaa pinngitsoortinniarlugu.
Ajukkunnanngissuseq
Akileraartarnermut Aqutsisoqarfimmut saaffiginnittut sulisut ajukkunnanngitsut peqqissaartullu naapissallugit naatsorsuutigisinnaavaat. Sulisut atorfitsik pikkoriffigalugu sullissisassapput, Akileraartarnermut Aqutsisoqarfiullu pisortani suliffeqarfiuneranut naleqquttumik saqqummertarnissartik piareersimaffigissavaat.
Pissusissamisoorsoraarput saaffiginnittarfik allaffiillu ataasiakkaat kinaassutsimik aamma arlaannaannulluunniit attuumassuteqarfiusutut nittarsaassiffiussanngitsut, saaffiginnittoq sullissisorlu tamakkuninnga akornuteqaratik naapissinnaaqqullugit.
Ataqqeqatigiinneq
Akileraartarnermut Aqutsisoqarfimmi assigiinngisitsinnginnissaq ataqqisaraarput, tassunga ilanngullugit qanoq inuiaassuseqarneq, piorsarsimassuseqarneq, oqaatsit upperisaqarnerlu. Saaffiginnittup naatsorsuutigisinnaavaa inuttut akuerisaaneq, tikilluaqqusaaneq namminerlu oqaatsit atorlugit sullinneqarneq. (kalaallisut, qallunaatut, tuluttut)
Ilinniagartuumik sunilluunniit
suliakkerneqartartussamik, aqutsisoqarfiup pisortaata
ulapaarfinni ikiortissaanik
sulisussarsiorpugut.
Atorfik, aatsaallimi ilumut
sunik tamanik piginnaasalimmik, pisortaasut aqutsisoqarfiullu
akornanni sulinermi aammalu
aqutsisoqarfiup naalakkersuisoqarfiullu akornanni
sulinermi
ataqatigiissaarisuusussamik inuttalerniarneqarpoq. Ujartugarput tassaavoq
ulluinnarni ulapaarfioqisuni
piffissaliussarpassuit eqquutsikkumallugit, piffissallu
sivikitsuinnaap iluani
suliakkerneqaratarsinnaalluni sukkasuumik sulisinnaasoq.
Uagut pilluta
Akileraartarnermut
Aqutsisoqarfik 120-nik Nuummi, Qaqortumi, Maniitsumi, Sisimiuni,
Ilulissani, Kangerlussuarmi
kiisalu Danmarkimi allaffinni agguataarsimasunik
sulisoqarpoq.
Atorfik Nuummi inissisimavoq,
aqutsisoqarfiup pisortaanut toqqaannartumik atalluni,
aammali aqutsisoqarfimmi
suliaqarfinnut assigiinngitsunut kiisalu Aningaasaqarnermut
Naligiissitaanermullu
Naalakkersuisoqarfimmut sutigut tamatigut attaveqaataalluni.
Neqeroorutigaavut suliffik
eqaatsumik ammasumillu suliffiusoq, suliassat assigiinngitsut
aporfiginagit
naalakkerneqaratarsinnaallunilu suleqatit eqeersimaartut suleqatigalugit
suliffiusoq. Suliffipput
suliaqarfiit assigiinngitsut aporfiginagit suleqatigiinnissamut
suliatigullu ineriartornissamut
periarfissagissaartuuvoq.
Suliassat
Pisortaasunik sullissiviuvoq
assigiinngitsorpassuarnik suliassartalik, ulluinnarni
ulapputissanik tamatigoortunillu
naammassisaqarniarfiusartoq, matumani ilanngullugit:
misissueqqissaarnerit
allaganngorlugit atortussanik allanik suliaqarneq,
matumani ilaatigut § 37
naapertorlugu apeqqutinut akissuteqartarneq kiisalu
Inatsisartut ataatsimiinneranni
atortussanik suliaqarneq
● Sulianut tunngatillugu atugassanik immikkoortortanit allanit, tassa aqutsisoqarfiup
iluani aamma suleqatinit
avataaneersunit paasissutissanik pissarsiniartarnermik
ataqatigiissaarineq
● Suleqatit sulianut attuumassutillit ataatsimeeqatiginissaannik pilersaarusiorlunilu
malitseqartitsisarneq, matumani
ilanngullugit ataatsimiinnermi
saqqummiussassanut atugassanik
suliaqarneq, powerpointinik suliaqarneq
kiisalu ataatsimiinnerni
imaqarniliorneq
● Suliassat aalajangersimasut
Illit pillutit
Ilinniagartooq, ajornanngippat
aningaasaqarneq pillugu ilinniagartuutut
imaluunniit inatsisilerituutut
soraarummeersimasoq
● Ukiuni arlaqartuni misilittagaqartuusinnaavutit, ilinniakkamilli naammassinnerlaaq
pikkorissoq aamma
atorfinitsinneqarsinnaavoq
● Pisortat ingerlatsinerannik misilittagaqaruit suliffeqarfimmilu politikkikkut
aqunneqartumi sulisimaguit pitsaassaaq
● Oqaluttariarsorneq
allattariarsornerlu eqarisarinngilatit
Oqaaseqatigiit qanoq
paasineqarnissaat tappiffigilluartuuat, aamma kisitsisinik
paasinnilluarsinnaaguit
pitsaasuussaaq
● Inuit assigiinngitsunik tunuliaqutillit, aamma suliavit assinginik
suliaqartuunngikkaluit attaveqarfigilluarsinnaallugillu suleqatigilluarsinnaavatit
● Peqqissaartumik suleriaaseqarputit, suliavillu suliarilluagaanissaa
akisussaassuseqarfigilluartuuat
Suliassat assigiinngiiaartut
suleqatit qanimut peqatigalugit ataatsikkut
isumagisinnaavatit
● Suliassat assigiinngitsut suliarinissaat ammaffigisuuat, suliassaqarfinnillu
nutaanik paasisaqarnissaq nangaassutigissanagu
● Pitsaasuussaaq kalaallisut,
danskisut tuluttullu oqalussinnaallutillu allassinnaaguit
● Pitsaasuussaaq kalaallit
kulturiat inuiaqatigiillu kalaallit pillugit ilisimasaqaruit
Akissarsiat
atorfeqartitaanermilu atugassarititaasut
Isumaqatigiissuteqarneq malillugu
atorfinittoqassaaq.
Piffissaq suliffiusoq
nalinginnaasumik tassaavoq sap.ak. nal.ak. 40-t. qinnuteqartut
ilinniagaqartuuppata piffissaq
suliffiusussaq ilinniagaq naammassitserlugu
sivikinnerusussatut
isumaqatigiissutigineqarsinnaavoq.
Atorfik fuldmægtigitut
atorfinittussamik tunngaviatigut inuttalerniarneqarpoq.
Atorfinittussap misilittagai
naapertuuppata immikkut siunnersortitut siunnersortilluunniit
pisortaattut tapinik
tunniussisoqarsinnaassaaq.
Akissarsiat
atorfeqartitaanermilu atugassarititaasut, matumani ilanngullugit
atorfinikkiartorluni
so–raarlunilu angalanernut aamma pequtit nassiunneqarnerinut
akiliunneqarsinnaatitaaneq,
Nammi–nersorlutik Oqartussat aamma pineqartup
kattuffiata
isumaqatigiinniarsinnaatitaasup akornanni isumaqatigiissutit piffissami
atorfiniffiusumi atuuttut
naapertorlugit pissapput.
Orlovsmuligheder i Danmark:
Naalagaaffimmi tjenestemandit
aamma atorfillit AC-mut isumaqatigiissutit arlallit, soorlu
ilaatigut DJØF-ip
Finansministereqarfiullu akornanni isumaqatigiissut, tunngavigalugit
atorfeqartut Nammi–nersorlutik
Oqartussani atorfininnermut ataatillugu
aningaasarsiaqaratik
sulinngiffeqarnissaminnut piginnaatitaapput. Kiisalu
Indenrigsministereqarfiup
kommuninut nunallu qitiusumik immikkoortui–nut
piumasaraa, Namminersorlutik
Oqartussani atorfininnermut atatillugu,
aningaasarsiaqarani
su–linngiffeqarnissamik qinnuteqartoqartillugu
akuersaartoqartarnissaa.
Sulinngiffeqarnissamut tunnga–tillugu aalajangersakkanut
ilaavortaaq inuk
Namminersorlutik Oqartussani atorfinittup
katissima–saa/inooqatigisaa.
Najugaq
Atorfimmut atatillugu sulisunut
inissiamik pisatsersugaariinngitsumik, maleruagassat
sukkulluunniit atuuttut
malillugit ineqartitsisoqarsinnaavoq. Inuit sulisunut inissiamik
inimilluunniit allamik
kommunimit Namminersorlutilluunniit Oqartussanit pigineqartumik
ineqartinneqareersut
inissaqartinneqarsinnaanngillat. Inimut akiliut
qularnaveeqqusiinerlu inimut
innersuunneqartumut maleruagassat sukkulluunniit
atuuttut naapertorlugit
akilerneqassapput. Atorfeqarnermut atatillugu inigisaq
atorfeqartitaanermut tunngavoq,
atorfeqarunnaarnermilu qimanneqassalluni.
Inimut akiliut inigisallu qanoq
innera inissiap pisoqaassusia, piginnittua il.il.
apeqqutaatillugit
allanngorartuusinnaapput. Sulisunut inissiamik ataavartumik
najugarisassamik
tunineqarnissamut utaqqisariaqartoqarsinnaavoq, taamaattumik
utaqqiisaa
inissiisoqarsinnaavoq, matumani aamma ineqarfinnut ataatsimoorussanut
akunnittarfinniluunniit
inissianut, taakkulu nalingat malillugu
akileraaruteqartoqassalluni.
Uumasuutinik annernik, soorlu qimminik qitsunnilluunniit
sulisunut inissiami
utaqqiisaasumilluunniit inissiami uumasuuteqartoqarsinnaanngilaq.
Paasissutissat erseqqinnerusut
Atorfik pillugu
paasisaqarnerujumaguit aqutsisoqarfiup pisortaa Kim N. Nielsen
saaffigiinnarsinnaavat
oqarasuaatikkut 346531 imaluunniit e-mail-ikkut knn@nanoq.gl.
Qinnuteqaatit, CV,
ilinniarsimasanut pikkorissaatigisimasanullu uppernarsaatit kiisalu
paasissutissat allat
pisariaqarsinnaasut "qinnuteqa
at
nassiuguk" toorlugu nassiutikkit.
E-mail-ikkut qinnuteqaatinik
tigusineq ajorpugut.
Qinnuteqarnissamut piffissaliussaq: maajip 3.-at, 2023
Saaffigisassaq: Kim Neumann Nielsen +299346531
Atorfinitsitsinerup suussusaa: Piffissaq tamakkerlugu suliffik
Atorfinitsitseriaaseq: Isumaqatigiissutit tunngavigalugit piumasaqaatit
Suliassaqarfik: Attaveqaqatigiinneq
Nunap immikkoortua:
Kommuneqarfik Sermersooq
Naalakkersuisoqarfik: Skattestyrelsen Intaleeqqap Aqqutaa 1