Nammineerluni nalunaarsuiffimmik tigusaqanngilanga.
Nammineerluni nalunaarsuiffik sullissivik.gl-imi takuneqarsinnaavoq. Nammineerluni nalunaarsuilluni immersugassaq immersorneqanngitsoq aamma uani nanisinnaavat. Akileraartarnermut Aqutsisoqarfimmi nutaamik aallersinnaavutit.
Qaqugu nammineerluni immersugassaq nassiunneqassava?
Inunnut 1. maj.
Inuussutissarsiuteqartut ulloq 1. maj.
Kisiannilu nittartakkakkut nalunaarsuissagunik maajip 15-nianiissaaq.
Suliffeqarfiup ukioq isertitaqarfiusoq 2016-imut sinneqartoorutaa missingersorneqassappat killigititaasoq tassaavoq 1. maj.
Pingaarnertut piginneqataasoq aamma pingaarnertut aktiaatilik ulloq 1. maj
Akileraarutitigut nalikilliliinerit qanoq ingerlanneqartarpa?
Nalikilliliinermut immersugassat S10-t uani nanisinnaavatit aamma Akileraartarnermut Aqutsisoqarfimmut aallersinnaavutit.
Pigisanut nalilinnut immersugassat S10-t sisamaapput:
1. Immersugassaq 1 Ingerlatsinermi aningaasartuutit (fx aquuteralaat, biilit il.il) 100 %-mik inuussutissarsiutitut atorneqartut.
2. Immersugassaq 2 Inuttut nammineq inuussutissarsiutigalugulu ingerlatsinermi aningaasartuutit
3. Immersugassaq 3 umiarsuit, umiatsiaaqqat, timmisartut aamma illuutit.
4. Immersugassaq 4 qulaani taaneqartunut tuniniaanermi atugassaq
Nammineerluni nalunaarsuineq nassiussavara ?
Taamaallaat allannguutissaqaruit aamma akissarsisartuuguit. Inuussutissarsiuteqartuuguit nammineerluni nalunaarsuineq, naatsorsuutit allallu.
CVR (GER) normoqarpunga kisianni ingerlataqarnikuunngilanga. Nammineerluni nalunaarsuiffik immersussavara?
Aap suliffeqarfimmut immikkoortuani immersugassani 0 allassavat. Tassunga ilanngullugu immikkoortumii 150-imi suliffeqarfiup angusaa 0 nassuiassavat.
Qaqugu § 15 unissava?
Nammineerluni nalunaarsuineq tunniunneranit qaammat ataaseq qaangiunnerani qinnuteqartoqassaaq.
Qanoq siusinnaartumik tunniussisarneq pillugu § 15-imi qinnuteqassaanga ?
Qinnuteqarnermi immersugassaq aamma naatsorsuiffissaq uani nanineqarsinnaapput. Qinnuteqarnermi immersugassaq aamma naatsorsuiffissaq nassiunneqarsinnaavoq/tunniunneqarsinnaavoq.
§ 15-imi nammineerlutit naatsorsuisinnaavutit. Akileraaruteqarnermullu uppernarsaat ilanngullugu.
Suliap suliarineqarnerani piffissaq qanoq annertutigiva?
Naatsorsuutigineqassaaq aningaasat tunniunneqarnissaannut qinnuteqaat Akileraartarnermut Aqutsisoqarfimmi tiguneqarneraniit piffissaq sapaatip akunnerinik sisamanik sivisutigissasoq.
Naatsorsuineq suugami?
Tassaavoq inaarummik naatsorsuinermi kingullermi akileraarutissat sinneri.
Nammineq piumassutsinnik akileraarutit akilerniarpakka - qanoq iliussaanga?
Nammineerluni piumassutsimik akileraarutinik akiliineq (§ 85) nammineq piumassutsimik akileraarutinik akiliineq kingusinnerpaamik pissaaq 1. maj 2018. Akileraartarnermut Aqutsisoqarfiup bankkontuanut 6471-1002608-mut akilerneqassaaq.
Akiliinermi allanneqassaaq: inuup nr. aammalu ukioq isertitaqarfik ilaatigullu § 85
Sumi akilersuutit A-t allanneqassappat?
Akilersuutinut A-nut ilanngaat nammineerluni nalunaarsuiffimmi immikkoortoq 62-imi allanneqassaaq. Nammineerluni nalunaarsuiffimmi akilersuutit A-t tiguneqarsimasut immikkoortoq 32-imi allanneqassapput.
Erniat aapparisamut nuunneqarsinnaappat?
Naamik erniat aapparisamut nuunneqarsinnaanngillat. Erniat kontumit piginnittup akilersussavai.
Ernianut aningaasartuutit inunnit taarsigassanut pisussaaffilinnit ilanngaatigineqassapput. Aappariit taarsigassaqarpata erniat taarsigassalinni tamani 50 % ilanngaatigineqassaaq.
Akileraarutit sippuutaannik utertuussaanga imaluunniit akileraarutissat sinneri akilissavakka?
Tamanna akisinnaanngilarput. Inaarutaasumik naatsorsuutit sullissivimmi NemID atorlugu takuneqarsinnaalissaaq augustip 22-viani 2018.
Inaarutaasumik naatsorsuut maanna tigusinnaavara?
Naamik augustip 22-viani 2018-miit sullissivik.gl-imi takuneqarsinnaalissaaq.
NemID piginngilara.
Bankit aqqutigalugu NemID pilersissinnaavat.