Katersakka - Sooruna ateqarpoq?
Katersakka - Sooruna ateqarpoq?
Immaqa maluginiarsimassavat Akileraartarnermut Aqutsisoqarfik paasisitsiniummik Facebookikkut ingerlaartitsisoq. Paasisitsiniuterput ’Katersakka’-mik taagusernikuuarput, illit utoqqalinissannut ileqqaakkatit aningaasaqarninnut tunngassuteqarmata.
Annertusisamik akileraartussanngorsimavit?
Uani aalasuliami nassuiarneqarpoq annertusisamik akileraartussanngorsimaguit qanoq iliorsinnaasutit.
Soraarnerussutisiaqalernissamut ileqqaartussaatitaanermut inatsimmi allaqqavoq kikkut tamarmik pisussaatitaasut ileqqaagaqarnissaminnut. Ileqqaagaqarsimanngikkuillu annertusisamik akileraartitaanikkut ileqqaartitaassaatit
Annertusisamik akileraartitaanikkut katersatit (taamaalioreersimanngikkuit) Akileraartarnermut Aqutsisoqarfimmut saaffiginnillutit soraarnerussutisiaqalernissannut katersivigisannut nuutsissinnaavatit. Soraarnerussutisiaqalernissannut ileqqaakkavit kontoa paasissutissiissutigiinnassavat.
Ukiumut katersassavit minnerpaaffissaat naammatsissimagukkit Akileraartarnermullu Aqutsisoqarfik paasitinneqarsimanngippat taamaammallu annertusisamik akileraartussanngorsimaguit, naammassinnissimaninnut uppernarsaammik takutitsinikkut akileraartarnermut allagartat iluarsitissinnaavat.
Annertusisamik akileraartussanngorsimavit? Peqqutaasut marluupput:
- Soraarnerussutisiaqarnissannut akiliutigisimasatit
nalunaarsorneqanngitsoorsimasinnaaput, imaluunniit
- Akiliinikippallaarsimavutit.
Ima aaqqissinnaavat:
Ukiumut akissarsiavit allagartaanni nalunaarsorneqarsimasut e-
boksimiittumilu ukiumut soraarnerussutisiassannut
akiliutaasussatut nalunaarsorneqarsimasut
annertussusaatassigiinnersut misissoruk.
Soraarnerussutisiassanut akiliutigisartakkatit ukiumut
akiliutissatut nalunaarsorneqarsimasut assigineraat misissoruk.
Akiliinitit naammappat nalunaarsorneqarsinatilli? Taava uppernarsaatit
Akileraartarnermut Aqutsisoqarfimmut nassiutikkit. Taakkua akileraarutisiassavit aaqqinnissaannut ikiorsinnaavaatsit.
Soraarnerussutisiassannut akiliinitit annikippallaarpat?
Akileraartarnermut Aqutsisoqarfimmut suli uppernarsaatissanik
nassiussinissanut kingusinaanngilatit. Akilertariaqakkatit akilersimagukkit, akileraarutissat
aaqqinneqarsinnaavoq.
Soraarnerussutisiat suuppat?
Immaqa maluginiarsimassavat Facebookimi qupperneq nutaaq ”Katersakka – Min Opsparing” pilersinneqarsimasoq, aalasulianillu tassuna saqqummertoqallattaalernikuusoq.
Katersakka-p siunertaraa soraarnerussutisiassatpaasiuminarsarnissaa, tassuunalu malinnaanikkut paasissutissat saqqummertartut malinnaavigisinnaalerpatit, ugguuna: Facebook.
Aalasuliami nassuiarneqarpoq apeqqut: Soraarnerussutisiat suuppat?
Una siullerpaatillugu saqqummersittussaanikuugaluarparput, Akileraartarnermulli Aqutsisoqarfiup decemberimi Akileraartarnermut allagartassanik nassiussuinissaanut tulluartillugu alla saqqummerseqqaarsimavarput. Taanna allallu Katersakka pillugu aalasuliat saqqummersereersimasavut nittartarkkatsinni takusinnaavatit, uani: Katersakka - Min opsparing.
Soraarnerussutisiaqalernissamut ileqqaartussaatitaaneq aamma paasisaqarfiginerusinnaavat, ugguuna: Soraarnerussutisiat.