Sukumiisumik nalunaarsuutit qaammammoortut
Sulisitsisunut tamanut piffissaliussat eqqaasariallit makkuupput:
Akissarsiat, soraarnerussutisiassat, AMA aamma akileraarutit unerartinneqartut pillugit qaammatit tamaasa nalunaaruteqartassaatit.
- Nassiussinissannut piffissaliussaavoq qaammatip tulliuttup ulluisa 10-at. Ulloq taanna nalliuttuulluniluunniit sapaatip akunnerata
naanerippagu piffissaliussaq tassaassaaq ulloq suliffiusoq siulleq.
- Qaammatip nalunaaruteqarfippit ulluisa 20-anni akileraarutit akilerneqarnissaat pillugu allagarsisitsisoqassaaq.
- Akileraarutit akilernissaannut piffissaliussaavoq qaammatip aallaqqaataa.
Ukiut tamaasa ukiumoortumik tamakkiisumik nalunaaruteqartassaatit.
- Nassiussinissannut piffissaliussaavoq ukiup tulliani ulloq 31. januar. Ulloq taanna nalliuttuulluniluunniit sapaatip akunnerata naanerippagu piffissaliussaq tassaassaaq ulloq suliffiusoq siulleq.
Nalunaaruteqarnissamut nassiussinissamulluunniit piffissaliussamik kinguartitsisoqarsinnaanngilaq. Piffissaq eqqorlugu nassiussinngikkuit akiliisinneqassaatit. Akiliisitsissut akileraarutit A-t aningaasartaasa 1%-eraat, taamaattorli minnerpaamik 500 kr.-it annerpaamillu 1.000 kr.-it.
Suliffeqarfiit tamarmik elektroniskiusumik nassiussisarnissaat inassutigineqarpoq. Suliffeqarfiit 20-t sinnerlugit sulisoqartut elektroniskiusumik nalunaaruteqartussaapput. Suliffeqarfiit allat immersugassat
Sulinal-imiittut atorlugit nalunaaruteqarsinnaapput.