Suliffeqarfiutivit ingerlannera unitsikkukku sulisitsisut nalunaarsorsimaffianni nalunaarsorsimajunnaarnissat isumagissavat.
Suliffeqarfiup unitsinneranut sulisitsisullu nalunaarsorsimaffianni nalunaarsorsimajunnaarneranut atatillugu akissarsisitsinerup kingulliup kingorna kingusinnerpaamik ullut 10-t qaangiunneranni qaammammoortumik nalunaarut ukiumoortumillu nalunaarut nassiutissavatit.
Suliffeqarfik ingerlaannarpat, kisiannili ukiup affap ilivitsulluunniit iluani sulisoqalernissaq naatsorsuutigineqanngippat nassuiaatinik nassiussisarnerup ilaannikkuinnaq pisarnissaa qinnutigineqarsinnaavoq.
Aammattaaq ukiumut qaammatini 3-6-iinnarni sulisoqartaruit ilaannikkuinnaq nalunaaruteqartarnissamik akuerineqarnissat qinnutigisinnaavat. Qinnuteqaat allakkatigoortuussaaq uungalu nassiunneqassalluni Sulinal@nanoq.gl.