Akileraartarnermut Aqutsisoqarfik inatsit malillugu tassaavoq sulisitsisut akileraarutit pillugit eqqortumik nalunaaruteqarnissaannik nakkutilliisuusoq.
Paasissutissat eqqortuunerannik nakkutilliinitta saniatigut aammattaaq suliassaraarput, suliffeqarfiit akileraartarnermut inatsisinik eqqortumik paasinninnissaat aamma atortunik atuinissaat siunertaralugit ilitsersuineq.
Sulisitsisunik nakkutilliisunit marlutsigut misissuiffigineqarsinnaavutit:
Sulisitsisunik nakkutilliisut paasissutissat akissarsianut tunngasut, naatsorsuutinut atortut allat allat kiisalu uppernarsaatissat misissortarpaat. Sulisuusut aamma paasissutissanik piniarfigisinnaavagut.
Paasissutissanik nipangiussiinnarneq imaluunniit takunninnissamut periarfissiinnginneq akiliisitsinikkut pineqaatissiissutigineqarsinnaavoq.
Akileraarutissanik akiliisimannginneq, akileraarutissanik kingusinaarluni akiliisimaneq, akeqanngitsumik ajunngitsorsiat nalunaarsorsimannginnerat allatulluunniit eqqunngitsumik paasissutissiineq Sulisitsisunik nakkutilliisut paasippassuk, tamanna pillaammik akiliisitsinermik kinguneqarsinnaavoq. Akiliisitsissutit akilerneqarnissaannut akisussaapput suliffeqarfik taassumalu piginnittui.
Sulisitsisumut pillaammik akiliisitsissutissaq nassuiaateqarsimannginneq, imaluunniit naatsorsuutit amigartumik suliaasimanerat pissutigalugu eqqorluinnartumik naatsorsorneqarsinnaanngippat sulisitsisut nalunaarsorsimaffiata akileraarutit A-t angissusissaat missingersuinermigut aalajangerallarsinnaavaa, tak. Akileraartarnermut inatsimmi § 93, imm. 3.
Pillaammik akiliisitsissutit akileraarutit aamma AMA-p eqqunngitsumik akilerneqarsimannginnerannut tunngassutillit angissuseraat akileraarutit A-t aamma AMA-p piffissaagallartillugu akilerneqarsimanngitsut qaammammut 1,5%-iat. Piffissaagallartillugu akiliisannginneq sulisitsisup kingusinnerusukkut misissuiffigineqarneratigut paasineqarpat, tamanna sulisitsisup 2%-imik pillaammik akiliisinneqarneranik kinguneqassaaq.
Sulisitsisunik nakkutilliisut attavigikkit
Sulisitsisunik nakkutilliisut
Sulisitsisunik nakkutilliineq kiisalu ilitsersuineq.
Oqa.: (299) 34 60 90
E-mail:kontrol@nanoq.gl