Suliffeqarfiit eqqortumik akileraartinneqarnissaat qulakkeerniarlugu Akileraartarnermut Aqutsisoqarfiup Kukkunersuinermik allaffiani sulivugut. Akileraarnikippallaassanngillat, aammali akileraarpallaassanatik. Tamanna sulininni assut sukasaatigaara. Suliffeqarfiit naatsorsuutaannik tigusatsinnik misissuineq pissanganartuutippara.

Ilinniagara naammassigakkuli ukiut arfineq—marluk maani sulivunga, aammalu suli ilikkagaqartuaraluarlunga suleqatitaatsinnik ilinniartitseqataasartut ilagaannga.

Paninnguaq – Akademimi ilinniagalik – Aningaasaqarneq isumalluutinillu aqutsineq.

Ilanngaaserisoqarfimmi Politiiniluunniit sulinissaq qangali pilerigiuarnikuuara. Pinerlunnianik paasisaqarniarluni sulineq pissanganartitaraara. Taamaammat misissuiartortarnerput sulininni nuannarinerpaasaraara.

Kiisalu meeraqaraluarlunga pitsaasumik oqimaaqatigiissaakkamillu sulisinnaanera Akileraartarnermut Aqutsisoqarfimmi sulinerup pitsaaqutigaa.

Ane-Rosine, Ilanngaaserisoqarfiup allaffiani siunnersorti, Allaffissornermik pisiniarfimmiunngorniarnermillu ilinniagalik.

Akileraartarnermut Aqutsisoqarfik sulisorpassuaqaraluartoq suleqatigiiaarluta sulisarpugut. Tamanna ataatsimoorneruvoq nuannersoq.

Akileraartarnermut Aqutsisoqarfimmi ineriartornissamut periarfissaqarpunga. Ullut suliffiit assigiinngitsorujussuupput, naammassiniagassarpassuaqarporlu tamakkiullugit naammassisakkatsinnik.

Tamanna assut ilinniarfigaara.

Anders Innuttaasunik sullissivimmi siunnersorti, Akademimik ilinniagalik – Aningaasaqarneq isumalluutinillu aqutsineq.

Ilinniagara naammassigakku suli ilikkagaqarnerunissara angorusuppara.

Taamaammat Akileraartarnermut Aqutsisoqarfik suliffiuvoq pitsaasoq. Ullut tamarluinnaasa nutaanik ilikkagaqartarpunga, aammalu assut misilittagaqalerlunga. Tamanna aamma sulinermi qaffakkiartornissamut periarfissiivoq.

Veronica, Allaffimmi pisortaq,  Akademimik ilinniagalik – Aningaasaqarneq isumalluutinillu aqutsineq.

Akileraartarnermut Aqutsisoqarfimmi AU-mik ilinniartuuvunga. Sulileqqaarama ilikkagassat amerlaqaat, tamanilli ajunngitsorsuarmik pineqarpunga. Tamanna sulinikkut inuttullu ineriartuutigaara. Maanna ukiup aappaa avillugu Akileraartarnermut Aqutsisoqarfimmiippunga, sulineralu nuannareqaara.

Qillaq, AU-mik ilinniartoq – Akademimik ilinniagalik – Aningaasaqarneq isumalluutinillu aqutsineq