Nunat Avannarliit ilanngaaserisoqarnikkut nunat akornanni pinerlunnernut suleqatigiinnertik annertusarpaat

Ataasinngorneq 15. Juni 2026 Nunat Avannarliit ilanngaaserisoqarnermut oqartussaasui nunat assigiinngitsut akornanni pinerlunnernut akiuiniarnermut suleqatigiinnertik ataqatigiissaarlugulu ineriartortinnissaalu siunertaralugu Nuummi ataatsimeeqatigiipput. Suleqatigiinneq Nunanut Avannarlernut tamanut pingaaruteqarpoq, inuit nioqqutissalu amerlanerpaat Nunanut Avannarlernukartut, Nunat Avannarliit akornanni angallanneqartarnerat pissutigalugu. Tassani inunnik nioqqutissanillu nakkutilliinerit pineqarput, tassunga ilanngullugit nioqqutissat akitsutillit aammalu nioqqutissat eqquteqqusaanngitsut soorlu ikiaroornartut nukkassaatit assigisaallu.

Nunat Avannarliit ataatsimoorussamik ilanngaaserisoqarnikkut suleqatigiinneranni aamma pineqarput suliniuteqarnerit, suleqatigiinnerup nukittorsarnissaa, piginnaasanik pitsanngorsaaneq, pinerlunnikkut aningaasarsianik malunnarunnaarsaanerup nunallu akornanni ikiaroornartunik nioqquteqartarnerup annikillisarnissaanut suliniutit. Suleqatigiinnerup ingerlalluarlersinneratigut oqartussaasut suliniarnerannut aporfissaasinnaasunik aamma annikillisaanerussaaq.

Nunat Avannarliit akornanni ilanngaaserisoqarnikkut suleqatigiinneq ukiorpassuit pitsaamik ingerlareerpoq. Suleqatigiit akornanni oqaloqatigiinnerit taamaattumik ilanngaaserisut ulluinnarni inunnik nioqqutissanillu nakkutilliinerannut atugassarititaasunik pitsanngorsaanissat eqqartorneqarput. Taamaattumik pinerlunniat akornanni ileqqorisanik, atortorissaarutitigut sakkui pillugit, aamma soorlu paasissutissanik paarlaasseqatigiinnerit ilanngaaserisunullu pikkorissaanernik piginnaasaannillu pitsanngorsaanerit pingaarnertut sammineqarput.

Oqaluttuarisaaneq malillugu akerleriinnerit aallaavigalugit nunat assigiinngitsut akornanni pinerlunnerit nutaat aamma saqqummeralersarput: aningaasat pinerlunnikkut pissarsiat kaaviiaartinneqarnerat, ikiaroornartut, sakkut inunnillu nunat killeqarfiisigut unioqqutitsilluni eqqussuinerit. Maannakkut nunat assigiinngitsut akornanni aaqqiagiinnginnerit, Ukrainimi sorsunneq nunallu issittumiittut ukkatarineqarnerat tamatuminnga uppernarsaataavoq. Taamaattumik ilanngaaserisoqarnermik oqartussaasut nunat assigiinngitsut akornanni pinerlunniartarnerit allanngorarnerat nakkutigeqqissaarpaat qanorlu sunniuteqarnera tamatumalu ataatsimoorussamik suleqatigiinnikkut pinaveersaartinniarneqarnissaa suleqatigiissutigalugu.


Innuttaasut qulaani allassimasut pillugit apeqqutissaqarunik
Attavissaavoq: Akileraartarnermut Aqutsisoqarfik, Intaleeqqap Aqqutaa 1, Postboks 1605, 3900 Nuuk, tlf. + 299 34 65 00, mail: tax@nanoq.gl

Tusagassiortut qulaani allassimasut pillugit apeqqutissaqarunik
Attavissaavoq Morten Wenzel Selvejer, Akileraartarnermut Aqutsisoqarfik, oqar. + 299 346584, mail: MWS@nanoq.gl.