Matumuuna Akileraartarnermut aqutsisoqarfimmiit sulisitsisunut ilisimatitsissutigissavarput, ukioq 2023-mut aningaasanut inatsimmi Inatsisartut akuerimmassuk, aningaasarsianit akileraarutit pillugit inatsit § 19, imm.3 ilaannakortumik akiliutsilluni angalanerit nammineq aalajangikkamik ukioq 2022 aamma 2023-mut atuutsinneqalersut. Tamanna isumaqarpoq, maannamut malittarisassat ukioq isertitaqarfiusoq 2021 ilanngullugu sulisitsisunut akissarsiortunullu, nammineq kissaatigalugu atuutsikkumappagit atuukkallarsinnaasut.
Ukiumi isertitaqarfiusumi 2022-mi atorfimmut atatillugu angalanerit, ilaannakortumillu sulinngiffeqarnermut siunertaqarsimasut, ilaannakortumik akileraaruteqaataasussaanngimmata, tamanna nammineq kissaatigisimanngikkaanni. Taamaattumik angalanerit ukiumi isertitaqarfiusumi 2022-mi A11-mut nalunaarsorneqassanngitsut, kisiannili nammineq aalajangikkamik nalunaarutigineqarsinnaallutik.
Taamaattumik Akileraartarnermut aqutsisoqarfiup akiliutsilluni angalanerit akileraarusersortarneri pillugit ilitsersuusiaa uani takuneqarsinnaavoq.
Inussiarnersumik Inuulluaqqusillunga
Akileraartarnermut Aqutsisoqarfik