airplanebooksbriefcase business cogs cross election entertainment fish house law lockmedicalpeopleselfservices socialtax

NALUNAARUT Ukiumi aningaasarsiofiusumi 2021-mi akileraarpallaarutit.

22. juli 2022

Ukiumi aningaasarsiorfiusumi 2021-mi akileraarutinut akiliivallaarutigisimasanik utertoortussanut pisortanullu akiitsulinnut Akileraartarnermut Aqutsisoqarfimmi akiliisitsiniutigineqartussanut tunngatillugu tamakkerlugit unerartitsivigineqarlutik ilanngaaffigineqarnissaat, inangiivigineqarnissaat arsaarinnissuteqarfigineqarnissaallu matumuuna nalunaarutigaat. 

Ukununnga akiitsunut ilanngaassisoqassaaq:

  • Akileraarutinut akiitsuutinillu akileeqqusilluni piumasaqaatit taakkualu erniaannut sullissinermullu akiliutit ilanngullugit piumasaqaatit tamaasa.
  • Ineqarnermut akiliutinut, qularnaveeqqusiissutitut uninngatitanut inissianullu attartortittakkanut Kalaallit Nunaanni Namminersorlutik Oqartussanit pigineqartunut iluarsartuussinermut akiligassanut piumasaqaatit tamaasa.
  • Illuliornermut tapersiissutinik taarsigassarsiat inuussutissarsiutinullu tapersiisarfimmit taarsigassarsiat, Kalaallit Nunaanni Namminersorlutik Oqartussanit taarsigassarsiaritinneqarsimasunut piumasaqaatit tamaasa.
  • Kallerup inneranut / imermut / kiassarnermullu Nukissiorfimmit akiligassatut piumasaqaatit.
  • Ilinniagaqarnersiutinut/Ilinniarnerup nalaani taarsigassarsianut piumasaqaatit.
  • Kalaallit Nunaanni Namminersorlutik Oqartussanit imaluunniit Namminersorlutik Oqartussat suliffeqarfiutaasa arlaannit akiligassatut piumasaqaatit allat suugaluartulluunniit.

 

Inangiineq, Pisortanut akiitsut akilersinniarneqartarnerat pinaveersaartinneqarnissaallu pillugit Inat­­sisartut inatsisaat nr. 3, 2. maj 1996-imeersoq, Inatsisartut inatsisaatigut nr. 6-kut 15. April 2011-mi allanngortinneqartukkut akiligassanik akiliisitsiniarneq ukununnga tunngatillugu pissaaq:

  • Piumasaqaatit Kalaallit Nunaanni kommuunit arlaata ikiorsiissutinik utertitsisussaatitaanikkut akiliutigigallarsimasai.
  • Piumasaqaatit Kalaallit Nunaanni kommuunit arlaata pilersuisutut akilersuutinut naafferartumik siumoortumik akiliutigigallarsimasai.
  • Piumasaqaatit Kalaallit Nunaanni kommuunit arlaata inuussutissarsiornermut tapersiissutitut taarsigassarsiarititai.
  • Piumasaqaatit ulluunerani meeqqerivinnut, paaqqinnittarfinnut, eqqaavilerinermut anartarfilerinermut aammalu pujoorfimmik paaviaanermut tunngassuteqartunut
  • Meeqqanut annertusisamik akilersuutit, pilersuisussaatitaanermullu akilersuutit  innuttaasunit piumasaqaatit.

 

 

Arsaarinninneq pissaaq, Kalaallit Nunaanni Eqqartuussisarnermut inatsimmi immikkoortoq VIII, kapitel  47, § 598, imm. 2 aamma 3 naapertorlugu pinngitsaaliissummik akiitsorilersimasat, taakkulu ukuupput:

  • Taarsigassarsianit utertillugit akiliutissatigut imaluunniit illuummik pigisanilluunniit qularnaveeqqusiinikkut pisortaniit taarsigassarsiat erniaasigut piumasaqaatit
  • Pisortat inissiigallarnermut, kiassarnermut, kallerup inneranut, imermullu akiliutinik piumasaqaataat.
  • Pisortanut akileraarutit akitsuutillu Kalaallit Nunaanni inatsit atuuttoq naapertorlugu akiligassat.
  • Piumasaqaatit pilersuisutut akilersuutinut Kalaallit Nunaanni oqartussaasunut akiitsunut tunngasut.
  • Piumasaqaatit pilersuisutut akilersuutinut danskit naalagaaffiannit aalajangersarneqarsimasut naapertorlugit, kiisalu akileraarutinut akitsuutinullu piumasaqaatit, Danmarkimi akiliisitsiniutigineqarsinnaasut.
  • § 627 naapertorlugu aningaasat taarsiiffiginnissutit.
  • Taakkua saniatigut pisassat Namminersorlutik Oqartussanut attuumassuteqartut, inatsisartut inatsisaat imaluunniit inatsisartut peqqussutaat naapertorlugit pinngitsaaliissummik akiliisitsiniutigineqarsinnaapput.

 

Kiisalu ilisimatitsissutigineqassaaq, pinngitsaaliissummik akiligassanut il. il. Eqqartuussiviup aki­lii­sitsiniarnermut oqartussaatitaanit piumasarineqartunut arsaarinnittoqarsinnaasoq.

Ilanngaassineq, atuutilersitsineq akiliisitsiniarnerlu pissapput akiliisitsiniarneq aningaasarsiatigut, aki­lersuinissamik isumaqatigiinnikkut pinngitsaaliissummilluunniit pigisanik tigoriaannarnik ma­tus­­suserneqarnissaa isumaqatigiissutigineqareersimagaluarpalluunniit.

Akiitsullit, 2021-mi akileraarutitigut akiliivallaarutinik tunniussinermut atatillugu ilan­ngaas­si­ner­mut, atuutilersitsinermut akiliisitsiniarnermulluunniit akerliusut, Akileraartarnermut Aqutsisoqar­fi­ata allaffianut, uani adressiata allassimanera nanineqarsinnaasumut: www.aka.gl , imaluunniit saaf­fi­ginnittoqarsinnaavoq oqarasuaammut normu: 346510.

Nammineerlutit nalunaarsuiffinnik tunniussinerni imaluunniit akuersininni bankimi kontonormut Akileraar­tar­nermut Aqutsisoqarfimmut paasissutissiissutigisimanngikkukku, www.sullissivik.gl aqqutigalugu ulloq 5. August 2022 nallertinnagu bankimi konto normut nalunaarutigisinnaavat. Bankimi konto normut nalunaarutigisimanngikkukku tunniussinissaq uninngatikkallarneqassaaq, nalunaarute­qar­nis­savit tungaanut, Akileraartarnermi Aqutsisoqarfik check-inngorlugit ullormiit 1. Januar 2017-imiit tunnius­sisarun­naar­nikuummat.

Ulloq aggustip 5-iata 2022 kingorna bankkontonormut nalunaarutigisimanngikkukku, ugguuna NemID imaluunniit MitID atorlugu nalunaarutigisinnaavat.

Inaarummik naatsorsuutit aggustusip naalernerani e-Boks aqqutigalugu nassiunneqarumaarput. Aamma www.sullissivik.gl aqqutigalugu NemId atorlugu inaarummik naatsorsuut 2021-mi aggustusip 19-ata 2022 kingorna aaneqarnissaa periarfissaavoq.

Ukiumi aningaasarsiorfiusumi 2021-mi inaarutaasumik nalunaarutip akileraarnikippallaarsimasutit takutissappagu Akileraartarnermut Aqutsisoqarfiup 2023-mut siumoortumik nalunaarsuinermut atatillugu 18.000 kr.-it tikillugit nalunaarsuutinut ilanngussinnaavai, Namminersornerullutik Oqartussat Nalunaarutaat nr. 7, 30. marts-imeersoq 2012 naapertorlugu. Tamanna 2021-mi inaarutaasumik nalunaarummi 2023-milu skattikortimi takuneqarsinnaassapput. Akileraarnikip­pal­laa­rutitit naatsorsuutinut ilanngun­neqan­ngippata NETs aqqutigalugu septemberi, oktoberi novemberillu qaammataanni 2022-mi akileeqqusissutinik nassinneqassaatit.