Augustip 30-ani 2019-imi Akileraartarnermut Aqutsisoqarfiup ukiumut akileraarfiusumut 2018-imut akileraarpallaarutinit utertoorutissat 182 mio. koruunit inunnut 23.248-nut utertissavai.
182 mio. koruuninit ilanngaassinikkut, pisinnaatitaaffimmik tigusisoqarneratigut akiliisitsinikkut kiisalu pigisanik qularnaveeqqutitut sillimmasiinikkut 47,5 mio. koruunit (utertoorutissat tamarmiusut 26%-iisa missaat) pisortanut akiitsunut matusissutigalugit akilersinneqarput.25,6 mio. koruunit Kalaallit Nunaanni kommuninut, INI A/S-imut, Iserit-imut aammalu Nukissiorfinnut il.il. akiitsunut matusissutitut akilersinneqarput, sinneruttut 21,9 mio. koruunit Namminersorlutik Oqartussanut akiitsunut matusissutigineqarput.
Akileraartartup akileraarpallaarutinit utertoorutissai pisortanut akiitsunut matussutissatut tamakkiisumik ilaannakuusumilluunniit atorneqarsimatillugit, immikkut ilisimatitsissummik nalunaarfigineqarput.Akileraartartut aningaaserivinni kontonormunik paasissutissanik 2018-imut nammineerluni nalunaarsuiffissami naqeriikkami paasissutissiisimasut akileraarutinillu akiliivallaarsimasut ulloq 30. august 2019 aningaasanik nuussiffigineqassapput. 2018-imut akileraartartut 10.000-it missaaniittut aningaaserivimmi kontonormuminnik paasissutissat nalunaarutigisimanngilaat, tamannalu isumaqarpoq aningaasat tunniussassat uninngatikkallarneqartut.
Akileraartarnermut Aqutsisoqarfiup aningaasat aatsaat tunniussinnaavai, aningaaserivimmuut paasissutissat, tassalu registreringsnormu, kontonormulu Akileraartarnermut Aqutsisoqarfiup pissarsiarereerpagit. Inuit taakku pineqartut inaarutaasumik naatsorsuutaanut ilanngunneqartumik aningaaserivinnut paasissutissanut immersuiffissamik tigusaqassapput. Tamatumap kingorna akileraarpallaarutinit utertoorutissat tunniunneqassapput.2019-imi upernaakkut Akileraartarnermut Aqutsisoqarfiup akileraarpallaarutinit Akileraaruserinermik ingerlatsineq pillugu inatsimmi § 15 naapertorlugu ukiumut akileraarfiusumut 2018-imut utertoorutissat 14,6 mio. koruunit inunnut 721-inut utertippai.
14,6 mio. koruuninit ilanngaassinikkut, pisinnaatitaaffimmik tigusisoqarneratigut akiliisitsinikkut kiisalu pigisanik qularnaveeqqutitut sillimmasiinikkut 2,2 mio. koruunit (utertoorutissat tamarmiusut 15 %-iisa missaat) pisortanut akiitsunut matusissutigalugit akilersinneqarput.650 t. koruunit Kalaallit Nunaanni kommuninut, INI A/S-imut, Iserit-imut aammalu Nukissiorfinnut il. il. akiitsunut matusissutitut akilersinneqarput, sinneruttut 1,5 mio. koruunit Namminersorlutik Oqartussanut akiitsunut matusissutigineqarput.
Matumunnga peqatigitillugu 2018-imut akileraarutissat sinnerinut akiligassat 176 mio. koruunit akileraartartunit 10.164-init akileqquneqassapput, taakkunannga 55 mio. koruunit 2020-imut siumoortumik nalunaarsuinermut atatillugu ilanngunneqassapput, 120 mio. koruunilli pingasun-ngorlugit avillugit akiligassanngortinneqassapput ulluni 01/09, 01/10 aamma 01/11-2019-imi, kingusinnerpaamillu akilerneqareersimassallutik qaammatit akiliiffissap ulluisa 20-anni.
Akileraarutissat sinnerinut akiligassat 2020-imut siumoortumik nalunaarsuinermut ilanngussassat akilerneqarsinnaapput kingusinnerpaamik ulloq 20. november 2019, taamalu tapiliussassaq 6%-iusoq pinngitsoorneqarsinnaalluni. Taamaaliorsinnaaneq pillugu paasissutissat inaarummik naatsorsuummi takuneqarsinnaapput.Pigisanit pissarsiat ilaasa akileraarutaat (KAS) pillugu 2018-imut inaarummik naatsorsuut
Pigisanit pissarsiat akileraarutaannut akiliivallaarutit, akileraartartup soraarnerussutisiaqalernissamut aningaasaateqarfianit imaluunniit akileraartartup inuunermut soraarnerussutisiaqalernissamulluunniit sillimmasiisarfianit akiliivallaartoqarsimaneranik pissuteqartut soraarnerussutisiaqarnissamut aaqqissuussinermut utertinneqassapput.
Pigisanit pissarsiat akileraarutaannut akiliivallaarutit, akileraartartup akiliivallaarsimaneranik pissuteqartut aningaaserivimmi kontonormumut akileraartartumit nalunaarutigineqarsimasumut ikineqassapput, aatsaalli aningaasat Akileraartarnermut Aqutsisoqarfimmit tamakkiisumik ilaannakuusumilluunniit unerartinneqarsimanngippata, inangiivigineqarsimanngippata arsaarinnissutigineqarsimanngippataluunniit. Aningaaserivimmi kontup normua Akileraartarnermut Aqutsisoqarfimmit amigaatigineqarpat aningaasat tunniunneqarnissaat utaqqissunneqassaaq, paasissutissat amigaatigineqartut tiguneqarserlugit. Tamakkiisumik ilaannakuusumilluunniit unerartitsisoqarpat, inangiiviginnittoqarpat arsaarinnissute-qartoqarpalluunniit tamanna immikkut nalunaarutigineqassaaq.
Pigisanit pissarsiat akileraarutaannut akiliinikippallaarutit 1. september 2019-imi akiligassanngus-sapput, piffissaagallartillugulu akiliiffissaq kingulleq tassaalluni 20. september 2019.Taakkuninnga akiliinissaq pillugu paasissutissat pigisanit pissarsiat ilaasa akileraarutaat (KAS) pil-lugit 2018-imut inaarummik naatsorsuummi takuneqarsinnaapput.
Soraarnerussutisiaqalernissamut aaqqissuussinermut peqataasussaatitaaneq pillugu 2018-imut ukiumoortumik naatsorsuut Namminerisamik soraarnerussutisiaqalernissamut ileqqaartussaatitaaneq inatsisikkut aalajangingaavoq, taamaammallu akileraarutinik akiliisarnermut attuumassuteqartinneqartussaanani. Inatsisip malinneqarnissaanik isumaginninneq Akileraartarnermut Aqutsisoqarfiup suliassariinnarpaa.
Pisussaaffimmik malinninneq pillugu paasissutissat soraarnerussutisiaqalernissamut aaqqissuussi-nermut peqataasussaatitaaneq pillugu 2018-imut ukiumoortumik naatsorsuummi takuneqarsin-naapput.Akileraarutinut inaarummik naatsorsuutit nassiunneqareersut paasineqarpoq naatsorsuutit innuttaasunut ukununnga ajoraluartumik kukkuneqartut:
• Innuttaasut sulisitsisui Kalaallit Nunaanni soraarnerussutisiaqalernissamut aaqqissuussinermut akiliuteqartut
• Innuttaasut tjenestemanditut qallunaat naalagaaffianni atorfeqartut
Innuttaasut taakku soraarnerussutisiaqalernissamut peqataasussaatitaanermut katersat naatsorsuutaannik nutaamik piaartumik nassiussiffigineqassapput. Akileraartarnermut Aqutsisoqarfiup kukkussuteqarneq ajuusaarutigaa.
Qulaani allassimasut pillugit apeqqutissaqaraanni saaffissaavoq Namminersorlutik Oqartussat, Akileraartarnermut Aqutsisoqarfik, Postboks 1605, 3900 Nuuk, oqaras. + 299 34 65 10, mail: tax@nanoq.gl. Sullissivik aqqutigalugu saaffiginnissut paasissutissartai paasiuminaatsunngorlugit nassiunneqarnissaa periarfissaavoq.
20/8-2019-imiit ukiumut akileraarfiusumut 2018-imut inaarummik naatsorsuutip assinga sullissivik.gl-imi NemId atorlugu aaneqarsinnaalissaaq. Akileraartarnermut Aqutsisoqarfik akileraartartunut ulloq 20/8-2019 NemPost-eqareersunut ukioq 2018-imut inaarummik naatsorsuutinik nassiussissaaq.