airplanebooksbriefcase business cogs cross election entertainment fish house law lockmedicalpeopleselfservices socialtax

PFA Soraarnermi soraarnerussutisiassat nuunneqarnerinut atatillugu akitsuutit pillugit paasissutissiineq

23. april 2018
PFA Soraarnermi soraarnerussutisiassat uninngasuutigineqartut Danmarkimi PFA Pensionimut ullormi 1. januar 2018-imi nuunneqarnerinut atatillugu akitsuutit pillugit paasissutissiineq.


PFA Soraarnerup matuneranut soraarnerussutisiassallu uninngasuutigineqartut tamarluinnaasa Danmarkimi PFA Pensionimut ullormi 1. januar 2018-imi nuunneqarnerinut atatillugu soraarnerussutisiassanut aaqqissuussat akitsuuserneqarnerat nalornissutigineqarsimavoq.

Tunuliaqutaasut

Ukiut soraarninngorfissat suli anguneqanngitsut soraarnerussutisiassanut aaqqissuussaq atorunnaarsinneqarpat aallaavittut akitsuummik akiliisoqassaaq.

Soraarnerussutisiaqarnissamut ingerlatsiviup Kalaallit Nunaanni angerlarsimaffillip soraarnerussutisiassanut aaqqissuussat tamarluinnaasa Kalaallit Nunaata avataanut soraarnerussutisiaqarnissamut ingerlatsivimmut nuuppagit, procentit akileraarusiissutissanut tamarmiusunut akileraarut aalajangersarneqassaaq. Procentit akileraarusiissutissat tamarmiusut tassaasarput kommunimut akileraarutit, nunamut tamarmut akileraarutit, nunamut tamarmut immikkut akileraarutit aamma kommuninut ataatsimut akileraarutit katinneri. Kommuni akileraaruteqarfigisaq sorliunersoq apeqqutaatillugu akitsuut allanngorarsinnaavoq.

Marloqiusamik akileraartarneq pillugu Kalaallit Nunaata aamma Danmarkip akornanni isumaqatigiissuteqarpoq. Marloqiusamik akileraartarneq pillugu isumaqatigiissut pisuussutit isertitallu marloqiusamik akileraaruserneqarnissaat pinngitsoortinniarlugu isumaqatigiissutigineqarpoq. Isumaqatigiissut soraarnerussutisiassanut aaqqissuussanut aamma sunniuteqarpoq. Taamaattumik PFA Pensioni soraarnerussutisiassaqartitsileruni soraarnerussutisiassat Kalaallit Nunnaani akitsuuserneqareermata akileraarusigaassanngillat.

Soraarnerussutisiassanut aaqqissuussamut tunngatillugu apeqqutit soraarnerussutisiaqartitsisumut apeqqutigineqassapput.

Inatsisinut attuumassuteqartunut innersuussinerit
Aningaasarsianit akileraarutit pillugit Inatsisartut inatsisaat nr. 12, 2. november 2006-imeersumi kingusinnerusukkut allanngortinneqartumi § 46, imm. 5 aamma 6 aamma § 39 a aamma § 39 c.