Kalaallit Nunaat Den Europæiske Unionimi nunatut peqquserluffiusutut nalunaarsoqqajunnaarpoq
Kalaallit Nunaat nunatut akileraanngitsoorfiusinnaasutut nakkutigisassatut 2017-ip aallartinnerani nalunaarsorsimalerpoq. Nunat akileraanngitsoorfiusinnaasut tassaagajuttarput akileraarutikitsut akileraartarnerlu pillugu inatsisit iluanaarnartuusarlutik, kiisalu paasissutissanik paarlaateqatigiinnissamut killilimmik periarfissaqartarput imaluunniit periarfissaqarneq ajorlutik.
Taamaattumik nunani tamalaani akileraarutit pillugit ammasumik paasissutissanik paarlaasseqatigiinnissamut Kalaallit Nunaat pisussaaffimmik naammassinninnissaminut piumassuseqartariaqarluni.
Nunat peqquserluffiusinnaasutut nalunaarsukkat 17-init amerlanerusut ulloq 5. december 2017 EU-kommissionimi Aningaasaqarnermut Aningaasarsiornermilu Siun-nersuisoqatigiinnit saqqummiunneqarput. Akileraartarnermut Aqutsisoqarfiup 2017-ip ingerlanerani suliniuteqarnera pissutaalluni Kalaallit Nunaat nalunaarsorsimanngilaq. Kalaallit Nunaat nunatut peqquserluffiusutut nalunaarsoqqajunnaarluni nunatut peqquserluffiusinnaasutut nalunaarsorsimagallarpoq. Kalaallit Nunaat Global Forumi-mut ilaasortanngorsinnaaniassammat Akileraartarnermut Aqutsisoqarfik 2017-ip qiteqqunnerani suliniuteqarnikuuvoq, tamatumalu kingorna nunani tamalaani oqallin-nermi peqataasimalluni. Taassuma saniatigut september 2018-imi Akileraartarnermut Aqutsisoqarfiup akileraarutit pillugit paasissutissanik siullernik paarlaasseqatigiinnissa-minut imminut pisussaatippoq. Naggasiutigalugu Kalaallit Nunaat ”Inclusive Framework on BEPS”-imut ilanngunnissaa naatsorsuutigineqarpoq kiisalu nunani tamalaani pisussaaffinnik malitsigitinneqartunik naammassinnissinnaassalluni.
Nunat peqquserluffiusutut nalunaarsorsimasut EU-mit nutarterneqarsimannginnerat pissutigalugu immikkut ilisimasalinnit nunallu oqartussaasuinit arlalinnit isornartors-iorneqarpoq.
Akileraartarnermut tunngasunik nunani tamalaani suleqatigiinnermut peqataaneq nuannaarutigalugu kiisalu nunat hundredit sinnerlugit peqataasut suleqatiginissaannut qilanaarluni Aqutsisoqarfimmi pisortaq Kim Neumann Nielsen oqarpoq. Nunami namminermi akileraartarnermut tunngasut nunanit suleqatigisartakkanit kukkunersiorneqartarnissaannut Kalaallit Nunaat piareersimasinnaaqqullugu ukiuni makkunani nunani tamalaani akileraartarnermut tunngasut immikkut Akileraartarnermut Aqutsisoqarfimmit nakkutigineqassapput.
Kalaallit Nunaata inatsimmik pisariaqartinneqartumik 2018-ip naannginnerani atortuulersitsinissaa aammalu Kalaallit Nunaata nunatut peqquserluffiusinnaasutut nalunaarsoqqajunnaarnissaa anguniarlugu suleriaatsinik atuutsitsilersimanissaa Akileraartarnermut Aqutsisoqarfimmit naatsorsuutigineqarpoq.
Sukumiinerusumik paasisaqarusuttut attavigisinnavaat Akileraartarnermut Aqutsioqarfimmi inatsisileritooq Simon Mogensen, oqarasuaat: +299 346516, e-mail: simo@nanoq.gl