2016-imi augustip 31-ani Akileraartarnermut Aqutsisoqarfiup ukiumut akileraarfiusumut 2015-imut akileraarpallaarutinit utertoorutissat 150 mio. koruunit inunnut 21.469-inut utertissavai.
150 mio. koruuninit ilanngaassinikkut, pisinnaatitaaffimmik tigusisoqarneratigut akiliisitsinikkut kiisalu pigisanik qularnaveeqqutitut sillimmasiinikkut 44,2 mio. koruunit (utertoorutissat tamarmiusut 29 %-iisa missaat) pisortanut akiitsunut matusissutigalugit akilersinneqarput. 24,9 mio. koruunit Kalaallit Nunaanni kommuninut, inissiaatileqatigiiffinnut Ini A/S-imut Iseritsimullu aammalu Nukissiorfimmut il.il. akiitsunut matusissutitut akilersinneqarput, sinneruttut 19 mio. koruunit Kalaallit Nunaanni Namminersorlutik Oqartussanut akiitsunut matusissutigineqarput.
Akileraartartut akileraarpallaarutinik utertoorutissaat, pisortanut akiitsunut tamakkiisumik ilaannakuusumilluunniit matusissutigisimatillugit akileraartartoq immikkut ilisimatitsissummik nalunaarfigineqarput.
2015-imi nammineerluni nalunaarusiornermi bank kontomik nalunaaruteqarnikut akileraarpallaarutaat 2016-imi 31. August tunniunneqassapput. Bankkonto-mik nalunaaruteqarsimanngitsut 31. August 2016-imi check-mik allakkatigut nassinneqassapput.
2016-imi upernaakkut Akileraartarnermut Aqutsisoqarfiup akileraarpallaarutinit § 15 naapertorlugu ukiumut akileraarfiusumut 2015-imut utertoorutissat 17,3 mio. koruunit inunnut 1.239-inut utertippai.
17,3 mio. koruuninit ilanngaassinikkut, pisinnaatitaaffimmik tigusisoqarneratigut akiliisitsinikkut kiisalu pigisanik qularnaveeqqutitut sillimmasiinikkut 2,8 mio. koruunit (utertoorutissat tamarmiusut 16 %-iisa missaat) pisortanut akiitsunut matusissutigalugit akilersinneqarput. 1,4 mio. koruunit Kalaallit Nunaanni kommuninut, inissiaatileqatigiiffinnut Ini A/S-imut Iseritsimullu aammalu Nukissiorfimmut il.il. akiitsunut matusissutitut akilersinneqarput, sinneruttut 1,3 mio. koruunit Kalaallit Nunaanni Namminersorlutik Oqartussanut akiitsunut matusissutigineqarput.
Matumunnga ilanngullugu 2015-imut akileraarutinut tapissanut akiligassat 178 mio. koruunit akileraartartunit 11.500-init akileqquneqassapput, taakkunannga 56,9 mio. koruunit 2017-imut siu-moortumik nalunaarsuinermut atatillugu naatsorsuutinut ilanngunneqassapput, 121 mio. Koruunilli naafferaartumik pingasunut avillugit akiligassanngussallutik 2016-imi ulluni 01/09, 01/10 aamma 01/11, kingusinnerpaamillu akilerneqareersimassallutik qaammatit akiliiffiusussat ulluisa 20-anni.
Akileraarutissat sinnerinut akiligassat 2017-imut siumoortumik nalunaarsuinermut naatsorsuutinut ilanngussassat akilerneqarsinnaapput ulloq 20. november 2016 nallertinnagu taamalu tapiliussassaq 6%-iusoq pinngitsoorneqarsinnaalluni. Tamaaliorsinnaaneq pillugu paasissutissat inaarummik naatsorsuummi takuneqarsinnaapput.
Akileraartartut akileraarpallaarutaannit utertoorutinut akileraarutissallu tapissaannut akiligassanut tunngatillugu apeqqutissaqartut, inaarummik naatsorsuummik aamma akiitsunut akiliisitsiniarsimaneq pillugu nalunaarummik tigusaqareernerup kingorna, uunga saaffigin-nissinnaapput: Kalaallit Nunaanni Namminersorlutik Oqartussat, Akileraartarnermut Aqutsi-soqarfik, postboks 1605, 3900 Nuuk, oqarasuaat + 299 34 65 10, maili: tax@nanoq.gl
Ulloq 22/8 2016-imi ukiumut akileraarfiusumut 2015-imut inaarummik naatsorsuutit assilinera illit nammineq takusinnaavat Sullissivik.gl-imi NemId atorlugu. Ullut siulliit pingasut ingerlaneranni inuit 5.426-it periarfissaq tamanna atoreersimavaat.
Sullissivik.gl aqqutigalugu illit aamma NemPost-imut allatsissinnaavutit taamaalillutillu pisortaniit qarasaasiaq aqqutigalugu tamatuma kingorna allagarsisinnaanngussallutit.
Akileraartarnermut Aqutsisoqarfiup qarasaasiaq aqqutigalugu innuttaasunut pitsaanerusumik sullissisinnaanini pitsanngorsartuarpaa.
25. august 2016