Poortuutit utertittakkat pillugit inatsimmi atuuttumi allannguineq

Inatsisartuni Aningaasaqarnermut Akileraartarnermullu Ataatsimiititaliaq, Poortuutinik utertitsisarnermik aaqqissuussineq pillugu, 2024-mut aningaasanut inatsimmi kontomut pingaarnermut 73.01.12-mut,januarip 23-ani ilassuteqarnissaminut aalajangerpoq.

Tamatuma kinguneraa poortuutit tetrapak assigisaallu aamma viinnit imigassallu kimittuut poortuutaat 01.01.2024-miit utertittagaajunnaarnerat.

Eqqussuisoq, nioqqutissanik 01.01.2024-ip kingorna Kalaallit Nunaannut eqqussisimaguni, nioqqutissat poortuutaannut pineqartunut qularnaveeqqummik akiliisimaguni taakku utertinnissaannut qinnuteqarsinnaavoq uunga, toldindberetning@nanoq.gl qularnaveeqqummullu pineqartumut akiliisimanermut uppersarsaat ilanngullugu nassiullugu.

Poortuutinik utertittakkanik eqqussuineq pillugu paasissutissat Akileraartarnermut Aqutsisoqarfiup ilitsersuutaani uani atuarsinnaavatit.