Akileraarutini ilanngaatigineqarsinnaasut januarip aallaqqaataani 2025 atorunnaarsinneqartut
Indhold
Aningaasarsianit akileraarutit pillugit Inatsisartut inatsisaata allanngortinneqarnerata malitsigisaanik meeqqanut akilersuutit, aapparisamut akilersuutit aammattaaq imarsiornermi nerisaqarnermut aningaasartuutaanerusartut akileraarutinit ilanngaatigineqarsinnaanerat atorunnaarsinneqarpoq. Inatsip allannguutaa uani nassaarisinnaavat
Meeqqanut akilersuutinut aamma aapparisamut akilersuutinut ilanngaatip atorunnaarsinneqarnera
Januarip aallaqqaataat 2025 aallarnerfigalugu aapparisamut akilersuutit aammalu meeqqanut akilersuutit akileraarutinit ilanngaatigineqarsinnaajunnaarput.
Siumoortumik nalunaarsukkanni meeqqanut akilersuutit aapparisamulluunniit akilersuutit ilanngullugit 2025-mut nalunaarsorsimagukkit Akileraartarnermut Aqutsisoqarfimmit peerneqassapput.
Tamanna pillugu Akileraartarnermut Aqutsisoqarfimmit allakkamik nassinneqarputit.
Imarsiornermi nerisaqarnermut aningaasartuutaanerusartut ilanngaatigineqartarnerisa
atorunnaarsinneqarnera
Januarip aallaqqaataat 2025 aallarnerfigalugu imarsiornermi nerisaqarnermut aningaasartuutaanerusartut akileraarutinit ilanngaatigineqarsinnaajunnaarput