MitID-mi isumannaallisaanerit inissisimanerat
Paasissutissat nalinginnaasut
Paasissutissat nalinginnaasut
MitID atorlugu isumannaallisaaneq pitsaanerulerpoq, taamaalillutit kinaassutsinnik tillinniartoqarnissaanut ilaatigut pitsaanerusumik illersorneqarsinnaalerlutit. Isumannaallisaaneq pitsanngortinneqarpoq ilaatigut “isumannaallisaanerit inissisimaffii” aqqutigalugit.
Uani paasiniarsinnaavatit:
- MitID-mi isumannaallisaanerit inissisimanerat suuppat?
- Isumannaallisaanermi inissisimaffiga sumiippa?
- Isumannaallisaanermi inissisimaffiga qanoq pitsaanerulersissinnaavara?
MitID-mi isumannaassutsit
MitID-mi isumannaassutsit
MitID isumannaallisaanerit inissisimaffiinik pingasunik peqarpoq: “Appasissoq”, “Pitsaanerusoq” aamma “Qaffasissoq”.
Kinaassutsivit uppernarsinissaanut ilaanni pingaarnerusarnerannik inissisimaffiit takutitsipput. Taamaammat qanoq isernissannut assigiinngitsunik aamma piumasaqaateqarpoq:
- Appasissoq - digitalimik sullissiviit ilaasa MitID-mi atuisutut ID-it kinaassutsinnik uppernarsaanermik ataastsimik taamaallaat atuinissat piumasaqaatigaat, assersuutigalugu MitID-mut kode isissutissaq.
- Pitsaanerusoq - Digitalimik sullissiviit amerlanersaasa piumasaqaatigaat kinaassutsimik uppernarsaariaatsit marluk atussagitit, assersuutigalugu MitID app aamma PIN-kode imaluunniit MitID kodenik nuisitsivik kodelu isissutissaq atorlugu.
- Qaffasissoq - Digitalimik sullissiviit ataasiakkaat toqqarneqarsimasut isumannaallisaanikkut qaffasissorujussuarmik piumasaqaatitaqarput. Taakkunani kinaassutsimik uppernarsaatit ikinnerpaamik marluk atorneqassapput, kinaassutsimillu uppernarsaatitut atorneqartut ilaatigut kopeerinissanut uukapaatitsinernullu qulakkeerinninnissamut ilasamik atorneqassallutik.
MitID-mi isumannaassuseq ilinnut atuuttoq
MitID-mi isumannaassuseq ilinnut atuuttoq
MitID-taruit isumannaallisaanikkut inissisimaffimmi pilersinneqassaatit. Isumannaallisaanermi inissisimanerit MitID-mullu kinaanermik uppernarsaatitut atukkatit aalajangissavaat suut iserfigisinnaneritit MitID-lu atorlugu akuersillutit. Amerlanerpaat MitID-mik Pitsaanerusumik inissisimasumik pisariaqartitsissapput. Pisortani sullissivinnik atuissaguit assersuutigalugu sullissivik.gl-imik inuttullu pigisanut sullissivinnik soorlu netbankimik sillimmasiinernullu tamanna pisariaqarpoq.
Isumannaallisaanerit inissisimaffigisat imannak pitsaanerulersissinnaavat
Isumannaallisaanerit inissisimaffigisat imannak pitsaanerulersissinnaavat
Isumannaallisaanerit inissisimaffiii Innuttaasunik Sullissivimmi pitsaanerulersissinnaavatit.
Appasissumik isumannaallisaanerit inissisimasutut nalunaarsorneqarsimaguit Pitsaanerusumullu qaffatsikkusullugu Innuttaasunik Sullissivimmut saaffiginnissaatit.
Innuttaasunut sullissivimmi MitID-mut ikiorneqarniaruit:
- Kinaaninnik uppernarsaammik atuuttumik nassassaatit (nittartakkami MitID-mi, innuttaasunik sullissivimmi imaluunniit nunaqarfimmi kommunip allaffiani kinaassutsimik uppernarsaat pillugu atuarlutit paasisaqarnerugit
- Illit pillutit apeqqutinik arlaqartunik akissuteqassaatit (CPR-imit paasissutissat tunngavigalugit) - imaluunniit inummik illit kinaassutsinnik uppernarsaasinnaasumik ilagisaqassaatit.