Akileraartarnermut Aqutsisoqarfiup siumoortumik nalunaarsuiffissamik ukiut tamaasa oktoberip qaammataani eBoks-ikkut nassittarpaatit. Qinnuigaatsigit aningaasarsiornerit pillugu paasissutissaativut eqqortuunersut misissoqqullugu. Siumoortumik nalunaarsuiguit skattekortimik eqqortunik ilanngaatitalimmik tunissavatsigit, immaqalu aamma akileraarutinik B-nik eqqortumik akiligassillutit.

Nalunngiliuk:

• Amerlasuut akileraarutinut akiliivallaarsimatillutik utertoorutissatik sapinngisamik piaarnerpaamik tigujumasarmatigik. Aningaasaatit pilertornerpaarpaamik pissarsiarineqartarput ukioq akileraarfiusoq sioqqullugu siumoortumik nalunaarsuinikkut, aningaasarsiornerillu allanngussagaluarpat nalunaarsukkanik iluarsiinikkut.

   

• Siumoortumik nalunaarsukkatit Akileraartarnermut Aqutsisoqarfimmut saaffiginnillutit ukiup ingerlanerani sukkulluunniit iluarsisinnaagakkit. Taamaalillutit aningaasarsiornerit allannguuteqaraluartorluunniit skattekortinni eqqortunik ilanngaateqaannarsinnaavutit, akileraarutinillu B-nik eqqortumik akiligassinneqartaannarsinnaallutit.

Piffissaliussat pingaarutillit

Siumoortumik nalunaarsuiffimmik nassiussinissamut piffissaliussaq tassaavoq 15. november.

Paasissutissat kingusinnerusukkut iluarsitikkumagukkit Akileraartarnermut Aqutsisoqarfimmut saaffiginnissinnaavutit.