MitID-mik isumannaallisaaneq

Inuttut nammineq MitID-vit isumannaatsuutissagakku pingaaruteqarpoq - massakkut siunissamilu.

Illit nammineq MitID-t imaluunniit MitID pillugu paasissutissat allanut tunniutinngisaannakkit. Atuisutut ID kodetillu ilinnut kisimik tunngassuteqarput taakkulu isummaannaatsuuppata illittaaq isumannaatsuussaatit.

Atuisutut ID atukkat allanit eqqoriaruminaatsuussaaq

Atuisutut ID nammineq nassaarissavat, allanit eqqoriaruminaatsoq eqqaamajuminartorli, assersuutigalugu kisitsisit, naqinnerit killiffilersuutillu atornerisigut. Atuisutut ID kingorna mitid.dk aqqutigaugu allanngortittuaannarsinnaavat. Atuisutut ID allanut tusartinngisaannaruk - nammineq ikiorsiivik attavigigukku taanna minillugu.

MitID-mik atuininni isumannaallisaatitut eqqaamasassat

1. Kodetit allanut takutinngisaannakkit.
2. MitID app-it, - kodenik nuisitsivit, kodenik atuaasartoq chipiluunniit allamut tunniutinngisaannaruk.
3. Atuisutut ID allanut tusartinngisaannaruk - nammineq ikiorsiivik attavigigukku taanna minillugu.
4. Assersuutigalugu sianerneq, e-maili allaminngaanniilluunniit aningaaserivimminngaanneernerartumik, Digitalinngortitsinermut Aqutsiveqarfimminngaanneernerartumik, politiunerartumik, ikiuisarfimminngaanneernerartumik allaminngaanneernerartumilluunniit tunngaveqarlutit MitID atorlugu akuersinngisaannarit. Taamannak attavigineqarnavianngilatit.
5. MitID atorlugu suna akuerilernerit eqqumaffigiuk. Allassimasut kiliuuseriniarlugu issaatigisattut inngippata imaluunniit iliuuserineqalersoq ilinnit aallartinneqarsimanngippat akuersissanngilatit.

Nammineq inuttut MitID-vit allanit atorneqarsinnaalersimanissaa pasitsaakkukku MitID-mik ikiuisarfik sukkanerpaaq atorlugu attavigisariaqarpat inuttut nammineq MitID-vit utaqqiisaasumik atuneqarnissaa siunertaralugu.

MitID-ma atornerlunneqarneranut suut ersiutaappat?

• Atuisutut ID-vit allamit allanngortinnqarsimappat.
• Ilisarisinnaanngisannik MitID-mit nalunaarfigineqaruit.
• Nammineq noqqaassutigisimanngisannik akuersisimaguit.
• Inummut maanna peqquserluttuliortutut pasisannut atuisutut ID kodeluunniit tunniussimagukku.
  
  

Matusineq

• MitID-it atornerlunneqarsimappat tamaat matusinnaavat.
• Oqarasuaatit illit pinnik MitID app-italik imaluunniit MitID kodenik nuisitsivik, kodenik atuaasartoq imaluunniit chip katassimagukku tillitsissimagukkuluunniit imaanngilaq mitID-vit tamarmiusup atornerlunneqarsimaneranut takussutissaasoq. Atortorissaarut annaasimasat taamaallaat matuinnarsinnaavat.

MitID-mut kinaassutsimut uppernarsaat matujuk - mitID

MitID pillugu kiffartuussivik Danmarkimiittoq attavigiuk

Oqarasuaammut:
+45 33980010

E-mail:
https://support-mitid.digst.dk/

Ammasarfii
- Ataasinnornermit tallimanngornermut nal.05.00-17.00 (Kalaallit Nunaanni nalunaaqutaq malillugu)
- Arfininngorneq, sapaat nalliuttunilu nal.07.00-13.00 (Kalaallit Nunaanni nalunaaqutaq malillugu)

MitID app, SMS imaluunniit e-mail aqqutigalugu ilisimatinneqassaatit MitID app-it pillugu pingaarutilimmik pisoqarpat, soorlu MitID app-it atortorissaarummi nutaami atuutilersinneqarpat, assersuutigalugu smartphonemi nutaami, imaluunniit nammineq inuttut MitID-mi paasissutissanik allanngortoqarpat.

Nammineq inuttut MitID-it atorneqarneri tamaasa ilisimatinneqarnissat toqqarsinnaavat.

Nammineq inuttut MitID-vit allanit atorneqarsinnaalersimanissaa pasitsaakkukku MitID-mik ikiuisarfik sukkanerpaaq atorlugu attavigisariaqarpat inuttut nammineq MitID-vit utaqqiisaasumik atuneqarnissaa siunertaralugu.

Najugarisanni innuttaasunik sullissivik imaluunniit nunaqarfigisanni allaffik aamma saaffigisinnaavat.

MitID aamma NemLog-in pillugit inatsisip Kalaallit Nunaannut atuutilernissaanut peqqussut