Ima MitID-taassaatit

MitID tassaavoq elektroniskimik kinaassutsimut uppernarsaat, toqqissisimasumik isumannaatsumillu nittartakkami isersimanissannut isumannaallisaaqataasoq.

Naatsumik oqaatigalugu MitID tassaavoq digitalimik kinaassutsinnik uppernarsaasoq.

Kinaassutsit uppernarsarniarukku MitID atortassavat, assersuutigalugu aningaasanik netbankikkut nuussiniarnermi sullissivimmullu iserniarnermi.

MitID appikkut atugassaavoq, kodenik nuisitsiviuvoq, kodenik atuaasarpoq chippiullunilu

Ima MitID-taassaatit

• Smartphoneqaruit passeqaruillu MitID appi atorlugu MitID-taarsinnaavutit
• MitID Innuttaasunut Sullissivimmi, nunaqarfiulluunniit allaffeqarfiani passeqanngikkaluaruilluunniit pisinnaavat. Immikkoortumi MitID Innuttaasunut Sullissivimmi nunaqarfiullu allaffeqarfiani paasisaqarnerusinnaavutit

MitID atorniarukku qarasaasiannut, mobiilinnut tabletinnullu assigiingitsunik piumasaqaateqarpoq. Mobiilit aamma/imaluunniit tabletit, internetbrowserit MitID app-illu nutarteqqanissaat isumagissavatit.

MitID.dk iserfigalugu teknik-ikkut piumasaqaatit pillugit paasisaqarnerusinnaavutit.

• Qallunaatut, kalaallisut imaluunniit savalimmiutut passeqassaatit chippilimmik. Passit chipitaqarpat imaattumik ilisarnaateqassaaq:
• Ilitsersuummi “MitID appen aqqutigalugu ima MitID pisaariuk”-mi paasisaqarnerusinnaavutit.

MitID pisaarinissaanut piumasaqaatit assigiinngitsut eqquutsittariaqarpatit.

Piumasaqaatit pingaarnersaat pingasut tassaapput:

• MitID pisaaritinnagu kinaassutsit qulakkeersinnaasariaqarpoq.
• MitID, bruger-ID kodetillu allamut tunniuteqqusaanngilatit.
• MitID illersorsimasumik isumannaatsumillu atorsinnaasariaqarpat.
  
  

MitID pisaariniaraanni minnerpaamik 13-nik ukioqartariaqarpoq. Taamaakkaluartoq nittartakkatigut atassusiisartut ataasiakkaat, nittartakkatigut imminut kiffartuunnikkut ukiut killigitinneqartut annikillisinnissaannut kiffartuussisinnaapput.

Inuusuttuaqqanut 13-it inorlugit ukiulinnut net- aamma mobilbank-imut isertaatitaarniarnermi bankit attavigiuk.

MitID aamma NemLog-in pillugu inatsisip Kalaallit Nunaannut atuutilersinneqarnissaa pillugu Peqqussut nr. 2090 23. novembari 2021-meersoq