Inatsisartut aalajangerpaat erninermut atatillugu sulinngiffeqartarnermut aningaasaateqarfimmut akiliuteqartarneq 2026-mut atorunnaarsinniarlugu. Tamanna isumaqarpoq namminersortut pisortallu suliffeqarfiutaat 2026-mi AMA-mut 1,9 %-imik akiliuteqassasut.

Tunngavigisaq

Sulisoqarnermut akitsuut (AMA) sulisitsisunit akileraarutit A-t akilerneqarneri ilutigalugit akilerneqartarpoq.

Pisortat suliffeqarfiisa AMA-mut akiliutaasa nalingat 1,9 %-iuvoq

Suliffeqarfiit namminersortut AMA-mut akiliutaasa nalingat 2,1 %-iuvoq

0,2 %-imik assigiinngissut suliffeqarfiit namminersortut erninermut atatillugu sulinngiffeqartarnermut aningaasaateqarfimmut akiliisarnerannik pissuteqarpoq, pisortallu suliffeqarfiutaasa sulisumik erninermut atatillugu sulinngiffeqartarnerat namminneq akilertarmassuk.

Inatsisartut aalajangerpaat erninermut atatillugu sulinngiffeqartarnermut aningaasaateqarfimmut akiliuteqartarneq 2026-mut atorunnaarsinniarlugu. Tamanna pissuteqarpoq, aningaasaateqarfiup aningaasat uninngasuutai 2026-mi atorfissaqartinneqartut naammammata.