Ukioq 2026 aallannerfigalugu takornarissanut allanullu akiliillutik kalaallit nunatsinni unnuisunut Unnuinermut akitsuut akilersinneqartalissaaq.
Unnuinermut akitsuummik akiliissanngillat:
- Kalaallit Nunaanni najugaqartut
- Angalatilluni kinguaattoornermi unnuisariaqartut
- Atatiinnarlugu ullut 21-t sumiiffimmi ataatsimi unnuisut
- Akiliinatik unnuisut
Unnuinermut akitsuut unnuisumut ataatsimut unnuinermut ataatsimut 30 koruuniuvoq.
Unnuinermut akitsuut unnuiffigineqartuni akilerneqartassaaq.
Unnuinermut akitsuutinut tunngatillugu paasissutissat ukiup sisamaraarterutaanni Unnuineq.gl-ikkut nalunaarsorneqartassapput.
Unnuisarfiit nalunaarsuereeraangata akitsuutillu naatsorsorneqareeraangata ukiumut ataasiarluni kommuninut aningaasanik nuussisoqartassaaq, taamaalliluni inuussutissarsiutinik ineriartortitseqqiinissamut periarfissaqalersitsisinnaalluni, innuttaasullu atugarissaarnissaannik qulakkeerinneqataasinnaalluni.
Eqqaamallugu!
Unnuisarfiit tamarmik Unnuineq.gl-imi nalunaarsussammata. Illuaqqanik unnuisarfiutilinnut, AirBnB-iutilinnut, Akunnittarffinnut, Camp-inut, unnuisarfiutilinnut, artartortittagaatilinnut tamanut atuuppoq.
Unnuisarfiit ukiup sisamaraarterutai tamaasa kingusinnerpaamik aprilip, julip, oktoberip, januarillu qulinganni unnuisut amerlassusaannik suminngaanneernerannillu nalunaarsuisassapput.