Akileraartarnermut Aqutsisoqarfiup paasissutissiissutigaa innuttaasut ilaat ileqqaartussaatitaasut Soraarnerussutisiaqalernissamut aaqqissuussinermut inaarummik naatsorsuutinik 2024-moortunik nutaanik nassinneqarumaartut. Naqqiissutaasussat akileraarutinit utertoorutissat aggustip 29-ani tunniunneqarnissaannut sunniuteqarnavianngillat. Pineqartut nutaanik Soraarnerussutisiaqa-lernissamut aaqqissuussinermut inaarummik naatsorsuutinik 2024-moortunik kingusinnerpaamik septemberip qeqqani nassinneqarumaarput.
Pineqartut eqimattat assigiinngitsut marluk naqqiissuteqarfigineqassapput.
Tjenestemandit inaarummik naatsorsuutinik kukkusunik nassinneqarsimapput. Ileqqaartussaanermi qaavatigut ileqqaartussanngortinneqarsimapput. Kukkussutaasimasut ataani inatsit allassimasut iluanni isumaqatigiissuteqartunut tunngassuteqarpoq:
- Kalaallit Nunaanni Namminersornerullutik Oqartussani kommuninilu tjenestemandit pillugit Inatsisartut inatsisaat,
- Tjenestemandit Inatsisartut suliffeqarfiini atorfillit pillugit Inatsisartut inatsisaat,
- Naalagaaffimmi tjenestemanditut atorfillit Kalaallit Nunaanniittut pillugit inatsit,
Tjenestemandit inatsit qulaanni taaneqartut isumaqatigiissutit saniatigut isertitaqarsimagunik tapeqartinneqarsimagunilluunniit, taakkununnga isertitanut naliginnaasumik ileqqaartussaatitaapput. Soraarnerussutisiaqalernissamut aaqqissuussinermi inaarummik naatsorsuummi 2024-moortumi, ukiumut aningaasarsiorfiusumut 2024-mut tunngassumi inatsit pingasut qulaani allanneqarsimasut iluanni isumaqatigiissuteqartut isertitaat malillugit ileqqaartussanngortinneqarsimapput.
Tjenestemandit kukkusummik kalluarneqartut Soraarnerussutisiaqalernissamut aaqqissuussinermut inaarummik naatsorsuummik nutaamik nassinneqarumaarput.
Innuttaasut 2.000 kr. aamma 4.000 kr. akornanni ileqqaartussaatitaasut. Innuttaasut 4.000 kr ataallugu, 2.000 kr. sinnerlugu ileqqaartussaatitaasut Soraarnerussutisiaqalernissamut aaqqissuussinermut inaarummik naatsorsuummik ileqqaartuussaatitaanerannik allaqqasumik nassinneqarsimapput.
Innuttaasut kukkussummik kalluarneqartut Soraarnerussutisiaqalernissamut aaqqissuussinermut inaarummik naatsorsuummik nutaamik nassinneqarumaarput.
Akileraartarnermut Aqustsisoqarfiup kukkuneq ajuusaarutigaa, paasissutissallu eqqortut kukkussummik kalluarneqarsimasunut piaartumik nassiunneqarnissaat sulissutigaa.