Akileraartarnermut Aqutsisoqarfiup paasissutissiissutigaa innuttaasut ilaasa august 2025-mi 2024-mut akileraarutinit utertoorutissanit akiligassanik matussusiinermut tunngatillugu allagarsiaminni aningaasat katinneqarnerat qatangiinnassagaat.

Innuttaasut akileraarutinit utertoorutissallit pisortanut akiitsullit tamarmik akileraarutinit utertoorutissanit akiligissanik matussusiinermut tunngatillugu allakkiamik tigusaqarsimalerput. Akiligissanut matussusiinermi kisitsinerit ajunngitsumik kisinneqarput, innuttaasullu akiligissamik matussuserneqareernerisa kingorna suli utertoorutissaqartut aggustip 29-ani (septemberip aallaqaataani nunani allani kontulinnut) utertoorutissatik tigujumaarpaat. 

Aningaasat katinneqarneranni taamaallaat pisortanut pisortallu suliffiutaannut ataatsimiik amerlanernut akiligassaqarnermi kukkusoqarsimavoq. Kukkunerlu taamaallaat quppernermi siullermiippoq. Akiligassanik matussusiinermi allakkiami paasissutissat sinneri eqqortuupput.

Innuttaasut allakkiamik kukkusumik katinneqarsimasumik allaqqasortalimmik nassinneqarsimasut kajumissaarneqarput kisitsisit katinnerat qatangiinnassagaat.  

Assersuut assilissami takuneqarsinnaavoq.

Akileraartarnermut Aqutsisoqarfiup kukkuneq ajuusaarutigaa.