Qanoruna akileraartigisartugut?
Innuttaasunut inuussutissarsiummillu ingerlataqartunut akileraarut 42-ut 44 procentillu akornanniippoq.
Akileraartarnermik aaqqissuusseqqinneq ukioq 2025 allarnerfigalugu akileraartarnerup oqilisaaffigineqarneqarnik malitseqarpoq.
Akileraartarnermik aaqqissuusseqqinnerup malitsigisaanik inummut ilanngaat 60.000 koruunimut qaffanneqarpoq. Tassa imaappoq ilanngaat aalajangersimasoq10.000 koruuniusoq ilanngullugu ukiumut isertitatit 70.000 koruunit tikillugit akileraaruteqaataasussaanngillat.
Sulinermit aningaasarsiaqartut tamarmik qaammammut 500 koruuninik akissaateqarnerulissapput.
Akileraartarnermik aaqqissuusseqqinnermut ilanngullugu Suila-tapit atuutilersinneqarput,- tassaasut Sulinermut ilanngaatit tunniunneqartartussat.
Ukiumut 70.000 koruunit 160.000 koruunillu akornanni isertitaqaruit ilanngaatit qaavatigut 17,5 procentinik Suila-tapinik tunineqartassaatit.
Suila-tapinik pissarsissaguit isertitatit sulinermi aningaasarsianinngaanniissapput, iluanaarutinit agguagarsiaassapput, namminersorlutit inuussutissarsiummik ingerlatannit imaluunniit tunisanit iluanaarutaassapput.
Ukiumut Suila-tapit tunniunneqartartussat 15.750 koruuninut annerpaaffiligaapput.
Ukiumut Isertitatit 160.000 koruunit aamma 250.000 koruunit akornanniippata Suila-tapinik qaffasinnerpaanik tunineqartassaatit.
Ukiumut isertitatit 250.000 koruuninit qaffasinneruppata Suila-tapinik appasinnerusunik tunineqartassaatit. Tassa imaappoq, akissarsiatit qaffakkiartortillugit qaammammut Suila-tapisiassatit appariartussapput.
Sulia-tapinilli tunineqarsinnaavutit ukiumut 500.000 koruuninik isertitaqalernissat tikillugu.
Suila.gl-mi paasisaqarnerugit.