Akileraartartutsialak – Hans Kristian Mørch, Uummannaq

Akileraartartutsialammik ilisarisitsineq. Hans Kristian Mørch aalisarnermik inuussutissarsiuteqarpoq, Uummannarmioq.
Akileraartartutsialattut ilisarititassatsinni siulliuvoq.
Aalisarneq akileraartarnerlu qanoq ataqatigiissartarneraa aperigatsinni immannak oqaaseqarpoq:

Aalisarnermik inuussutissarsiuteqarnera piffissarujussuarmik nukipparujussuarnillu atuiffigisarpara, nuannarilluinnarakkulu aallulluarusullugulu naatsorsuuserisoqarlunga. Taamaalillunga inuussutissarsiutiga qimanngikkaluarlugu allaffissuutsittarlunga, maajillu 15-iat nallertinnagu nammineerluni nalunaarsuiffimmik immersuutsittarama akileraarutit sinnerinik akiligassitsinnissara pinngitsoortissinnaasarlugu.

Suila-tapit tunniunneqarsinnaapput aatsaat suliffeqarfiit Akileraartarnermut Aqutsisoqarfimmut nalunaaruteqarsimappata

Nalunaarutit ukuupput:

• Suliffeqarfiit aningaasarsiat pillugit nalunaarutaat
• Tunitsiviit tunisanit isertitat pillugit nalunaarutaat
• Akileraarutinik B-nik akiliinerit
• Sinneqartoruutinit iluanaarutisiat nalunaarutigineqarneri

Suila-tapinik tunineqarsimanngikkuit pissutaasinnaasut ukuupput:

Isertitatit nalunaarutigeqarsimasut qaffasipput.

Suila-tapinik tunineqartarnissannut isertitariumaagassatut naatsorsuutigisatit qaffasippallaarput.

Nalunaaruteqartoqarsimanngilaq.

Sulisitsisut tunitsivigisartakkalluunniit aningaasarsiatit pillugit nalunaarsuisimanngillat.

Imaluunniit kingusinaarlutik kukkusumilluunniit nalunaarsuisimapput.

Nalunaaruteqarsimanngilatit.

Namminersortutut inuussutissarsiummik ingerlataqarputit, akileraarutinillu B-nik akiliisarsimanngilatit.

Nalunaarnerit siornarnisaapput.

Ukiut kingulliit marluk isertitatit qaffasissimammata Akileraartarnermut Aqutsisoqarfiup naatsorsuutigaa isertitariumaagassatit qaffasissasut. Imaluunniit sinneqartoorutinit iluanaarutisianik isertitaqarsimavutit.

Nalunaarneq alla.

Suliffeqanngilatit. Suila-tapit sulinermik inuussutissarsiuteqartunut tapiliussaapput. Isertitatit aamma tamakkiisumik ilinniagaqarnersiutaappata, utoqqalinersiaappata, pisortanilluunniit ikiorsiissutaappata Suila-tapinik tunineqarsinnaanngilatit.

NemKontoqanngilatit. NemKontotaarniarlutit aningaaseriviit attavigiuk.

www.suila.gl -imi Akileraartarnermut Aqutsisoqarfiup isertitatit pillugit paasissutissaatai, Suila-tapisiariumagassatillu takusinnaavatit.