Ilaqutariinni inissiisarnermi paaqqinninnersiutit isertat A-tut aaqqinneqartut
Ilaqutariinni inissiisarnermi paaqqinninnersiutit, tuaviortumik ilaqutariinni paaqqinninnermi aningaasanngorlugit tunniunneqartartut aammattaaq pisariaqartitsinerni ikiorserneqarnissamut aningaasanngorlugit tunniunneqartartut januarip aallaqqaataat 2025 aallarnerfigalugu Isetitanut B-nut taarsiullugit Isertitatut A-tut aaqqinneqarput.
Taassuma maligitsigisaanik ilaqutariinni inissiisarnermi paaqqinnersiutit akileraarutinit ilanngaatigineqarsinnaajunnaassapput, tassungalu taarsiullugu akileraarutinit ilanngaatigineqartarsimasut nalinginik tapilerneqassallutik. Allannguut ilaqutariinni inissiisarnermi paaqqinninnersiutit akileraareernermi aningaasanngorlugit tunniunneqartarnerisa nalinginik allannguinnginniartussaavoq.
Tassunga taarsiullugu angajoqqaarsiat siumoortumik nalunaarsuinerminni ilaqutariinni inissiisarnermi paaqqinninnersiatik taakkualu akileraarutinut ilanngaatitai nalunaarsortariaarutissavaat. Taamaalilluni angajoqqaarsiat akileraarutinut tapissanik akiligissanneqaratarsinnaanerat pinngitoortinneqarsinnaanngussalluni.
Angajoqqaarsiat siumoortumik nalunaarsuinerminni ilaqutariinni inissiisarnermi paaqqinninnersiaminnik taakkualu akileraarutinut ilanngaatitaannik 2025-mut nalunaarsuisimasut Akileraartarnermut Aqutsisoqarfimmit attavigeqareersimapput.
Quppersakkami ”Akigititanut quppersagaq Isumaginninnermi akigititat Ulloq 1. januar 2025” Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoqarfimmit aamma Meeqqanut Inuusuttunullu Naalakkersuisoqarfimmit saqqummersinneqartumi akigititat tapillu nassaarineqarsinnaapput.
Ilaqutariinni inissiisarnermi paaqqinninnersiutinut akileraartarnermut inatsit Akileraartarnermut Aqutsisoqarfiup nalunaarutaani nr. 161 novemberip 25-ani 2024-meersumi atuarneqarsinnaapput UANI