Unnuinermut akitsuut
Ukioq 2026 aallannerfigalugu takornarissanut allanullu akiliillutik kalaallit nunatsinni unnuisunut Unnuinermut akitsuut akilersinneqartalissaaq.
Unnuinermut akitsuut unnuisumut ataatsimut unnuinermut ataatsimut 30 koruuniuvoq.
Unnuisarfiit tamarmik Unnuineq.gl-imi nalunaarsussammata. Illuaqqanik unnuisarfiutilinnut, AirBnB-iutilinnut, Akunnittarffinnut, Camp-inut, unnuisarfiutilinnut, artartortittagaatilinnut tamanut atuuppoq.
Unnuinermut akitsuut
Akiliisussaanngitsut
Unnuinermut akitsuummik akiliissanngillat:
Kalaallit Nunaanni najugaqartut
Angalatilluni kinguaattoornermi unnuisariaqartut
Atatiinnarlugu ullut 21-t sumiiffimmi ataatsimi unnuisut
Akiliinatik unnuisut
Akiliineq nalunaaruteqarnerlu
Unnuinermut akitsuut unnuiffigineqartuni akilerneqartassaaq.
Unnuinermut akitsuutinut tunngatillugu paasissutissat ukiup sisamaraarterutaanni Unnuineq.gl-ikkut nalunaarsorneqartassapput.
Unnuisarfiit nalunaarsuereeraangata akitsuutillu naatsorsorneqareeraangata ukiumut ataasiarluni kommuninut aningaasanik nuussisoqartassaaq, taamaalliluni inuussutissarsiutinik ineriartortitseqqiinissamut periarfissaqalersitsisinnaalluni, innuttaasullu atugarissaarnissaannik qulakkeerinneqataasinnaalluni.
Akitsuut akilerneqartussaq ukiup sisamararterutaanut katillugit 600 kr.-inik ikinneruppata akileeqquneqassanngilatit. Unnuineq.gl-imulli nalunaarutigineqartussaatitaapput suli.
Piffissaliussaq
Unnuisarfiit tamarmik qaammatit pingasukkaarlugit unnuisut amerlassusaat taakkualu nuna najugaqarfigisaat nalunaarutigisassavaat. Nalunaarsuinernut piffissaliussat killingi tassaapput 10. april, 10. juli, 10. oktober aamma 10. januar. Illuaqqat, namminersorluni attartortitsineq, asimi tammaarsimaaffiit qulinik ikinnerusunik inissaatillit, nuna najugaqarfigisaat, inillu attartortittakkat qanoq annertutigisumik attartorneqartaneri pillugit nalunaarsuisussaatitaanngillat.
Unnuinermut akitsuutinut tunngatillugu paasissutissat ukiup sisamaraarterutaanni Unnuineq.gl-ikkut nalunaarsorneqartassapput.
Nalunaaruteqareernerup kingorna unnuisarfik akiligassiissummik e-Boksikkut nassinneqassaaq. Akiligassiissummi akiliinissamut piffissaliussaq takuneqarsinnaavoq.
Inatsisit
Unnuinermi akitsuut pillugu Inatsisartut inatsisaat
Akileraartarnermut Aqutsisoqarfiup inussiarnersumik aamma makku maluginiaqqussavai:
Unnuisarfiit attartortittakkat inuussutissarsiutigalugu suliffeqarfittut ingerlanneqassammata. Attartortitsisartoq CVR-imi normu-qassaaq.CVR-normumik qanoq pilersitsisoqartarnersoq Akileraartarnermut Aqutsisoqarfiup nittartagaani atuaruk.
Attartortitsinermi isertitanit iluanaarutisiat akileraaruteqaataapput taakkulu nammineerluni nalunaarsukkani takuneqarsinnaasussaapput.
Akileraartarnermut Aqutsisoqarfik, unnuinernut nalunaarsuiffinni nakkutilliinermi paasissutissanik pissarsisinnaavoq. Akileraarutinut akitsuutinullu akiliutinut paasissutissat eqqortumik nalunaarsorneqarsimaneri paasiniarlugit nakkutilliinermi atorneqarsinnaapput. Akileraarutinut akitsuutinullu eqqunngitsumik akiliuteqartoqarsimappat akiliisitsinermik kinguneqarsinnaavoq.
Apeqqutissaqaruit Akileraartarnermut Aqutsisoqarfik attavigisinnaavat ugguuna: