Immiorfeeqqat – Inuussutissarsiutinik ingerlataqartut

Imigassanik aalakoornartortalinnik tuniniagassannik immiorniaruit, maleruagassat assigiinngitsut eqquutsittussaavatit.

Taamaammat Akileraartarnermut Aqutsisoqarfik ilitsersuusiorpoq. Immiornerup silarsuaani nutaarluinnaaguit misilittagartuujuguilluunniit apeqqutaatinnagu ilitsersuut una paasissutissatigut iluaqutissatigullu atorukku, suliffeqarfiutivit maleruagassanik pitsaassusissanillu atuuttunik eqquutsitsinissaa qulakkiissavat.

Nunatsinni immiorfeeqqanut maleruaqqusat pingaarnerit, tassa Akileraartarnermut Aqutsisoqarfiup akuersissuteqartarneranut aammalu akitsuutit akilerneqarnissaannut tunngasut ilitsersuummi ersersinneqarput. Taamaaliornikkut qulakkeerniagaavoq allaffissornikkut teknikkikkullu piumasaqaataasunik paasinnilluarnissat.

Ilitsersuutip imarai:

1. Aallartinnissamik ingerlatsinissamillu qinnuteqarnermi piumasaqaatit: Nunatsinni immiorfeeqqanik pilersitsinissamut ingerlatsinissamullu, matumani aamma akuersissutinut nalunaarsuinernullu pisariaqartunut tunngatillugu inatsisini piumasaqaatit sukumiisumik nassuiaatigineqarnerat.
2. Akileraarutit aamma Akitsuutit: Nunatsinni immiaaqqanik tunisassiornermut nioqquteqarnermullu atatillugu akileraarutit aamma akitsuutit suunerisa allattorsimaffiat. Tassani ilaavoq imigassat aalakoornartut akitsuutaasa akitsuutillu allat akilerneqartussat sukumiisumik allattorneqarnerat, kiisalu taakku qanoq nalunaarutigineqarlutillu akilerneqarnissaat pillugu paasissutissat.

Ilitsersuut uaniippoq.

Immersugassat

Immersugassaq "Uninngasuutinik peqqumaasivittut nalunaarsorneqarnissamik qinnuteqaat " uaniippoq. 

Akitsuusigassat nalunaarutiginissaannut immersugassaq uaniippoq.