1. Januar 2018 aallarnerfigalugu Kalaallit Nunaanni Inuussutissarsiummik Ingerlataqartunik Nalunaarsuiffiup (IIN) atornissaa periarfissaajunnaarpoq. Ingerlatsivinnik, suliffeqarfinnik pilersitsinerit kiisalu allannguinerit tamarmik Det Centrale Virksomhedsregister-imi (CVR) pisalissapput. Isersinnaaneq nammineerluni sullissinermut aqqut virk.dk atorlugu imaluunniit najukkami innuttaasunik sullissivinni Akileraartarnermut Aqutsisoqarfimmut saaffiginninnikkut pisassaaq.

Tamatumunnga tunngaviuvoq Qitiusumik Suliffeqarfinnik Nalunaarsuiffimmi nalunaarsuisarneq pillugu Inatsisartut inatsisaat nr. 33, 28. november 2016-imeersoq 1. Januar 2018 atuutilermat, inatsit uani takujuk.  Taamaalilluni IIN (GER) CVR-imut nuunneqarpoq Suliaqarfiit ilisarnaataat DB07-imik ilisarnaatilerlugu.

CVR-imi Kalaallit Nunaanni suliffeqarfimmik uani aallartitsigit.

Akileraartarnermut Aqutsisoqarfik 31. Decembari 2020 tikillugu nammineerluni sullissinermut aaqqinnermi nutaami pilersitsinermut aamma allannguutinut ikiuuttassaaq, nammineq Nem-id aqqutigalugu isernissaminnut periarfissaqanngitsunut.

Akileraartarnermut Aqutsisoqarfiup allaffia pilersitsiniaruit attaveqarfigiuk.

Akileraartarnermut Aqutsisoqarfik
Intaleeqqap aqqutaa nr. 1
Postboks 1605
3900 Nuuk
Tlf. 70 6500 / 34 6500
Fax 34 6577
E-mail: tax@nanoq.gl
 

Kalaallit Nunaanni suliffeqarfimmik pilersitsinermut allaffik.
Tlf. 34 6520 / 34 6500
Ataasinngorneq - Tallimanngorneq 09:00-15:00
Sisamanngornikkut aammattaaq 17:00-ip tungaanut
E-mail: CVR@nanoq.gl
Nittartagaq: www.aka.gl