Ilitsersuut una Akileraartarnermut Aqutsisoqarfiup ilinnut Kalaallit Nunaannut nuuttumut suliaraa.

Kalaallit Nunaannut nuukkuit isumatusaarnerussaaq:

• Nuunnerit kommunimut nalunaarsortinnikkut isumannaarukku. Akileraarutit saniatigut suut nuunnermut atatillugu aamma eqqumaffissaaneri allattorsimaffimmi sullissivik.gl-imiittumi takusinnaavatit.

  Allaaserineqarnerat uaniippoq. 

   

• Kalaallit Nunaannut nuuttut siumoortumik nalunaarsuiffissaat Akileraartarnermut Aqutsisoqarfimmut ugguuna nassiukkukku tax@nanoq.gl. Kalaallit Nunaannut nuuttut immersugassaat uaniippoq.

   

• Piffissap ilaannaani sulisuuguit – imaappoq qaammatit arfinillit inorlugit, soorlu suliffimmi takornarianik sullissisumi, taava ilitsersuut una atuarukku pitsaassaaq.

   

• Kalaallit Nunaannut killilimmik akileraartussaaguit nammineerluni nalunaarsuiffik nassiutissavat immersugassaq una atorlugu. Killilimmik akileraartussaasut tassaanerusarput sivikitsuinnermik Kalaallit Nunaanni najugaqartut.
  
  
• Soraarnerussutisiaqarnissamut aaqqissuussinermut Kalaallit Nunaata avataaniittumut akiliisaruit, taava soraarnerussutisiaqarnissaq pillugu maleruagassat suuneri paasisaqarfigigukkit isumatusaarnerussaaq. Taakku uaniipput. 

   

• Nuunninnut atatillugu inimik sulisitsisunnit atugassinneqaruit – soorlu akeqanngitsumik najugaqarallarfissamik, taava taanna qanoq akileraaruserneqartarnersoq paasiniarsinnaavat. Allaaserineqarnera uaniippoq.

   

• Kalaallit Nunaanni akileraartarneq pillugu maleruagassat sukumiisumik paasisaqarfigiumagukkit ilitsersuut ’Kalaallit Nunaanni akileraarutit ilanngaatigineqarnerat’ atuaqqullugu inassutigissavarput, taannalu uaniippoq. Tassunga atatillugu allattorsimaffimmi takusinnaavat aningaasarsiat suut aningaasarsiatut A-tut aningaasarsiatullu B-tut isigineqarnersut, taanna uaniippoq.