airplanebooksbriefcase business cogs cross election entertainment fish house law lockmedicalpeopleselfservices socialtax

FAQ Siumoortumik nalunaarsuineq 

Kisitsisit naqinneqareersimasut suminngaanneerpat?
Kisitsisit immersugassani ilareerlugit/ilanngareerlugit inaarutaasumik naatsorsuutinit/nammineerluni nalunaarsukkaneerput

Siumoortumik nalunaarsugassamik ikiorsinnaavinga?
Siumoortumik nalunaarsugassamik ikiortariaqaruit Akileraartarnermut Aqutsisoqarfik saaffigisinnaavat.

Akileraartarnermut allagartaq sunaana?
Siumoortumik nalunaarsuinermut akileraartarnermut allagartaq ilaavoq ilanngaativillu procentia ersersittarlugu. Allagartanut pingasunut assigiinngitsunik atorneqartunut ataatsimut taaguutaavoq.
Frikorti: Frikortimi allaqqavoq akileraanngikkaluarlutit aningaasaq isertitarisinnaasat.
Hovedkorti: Suliffinni aningaasarsiffiginerusarni atorneqassaaq.
Bikorti: Arlalinnik sulisitsisoqaruit atussavat.

Akileraartarnermut allagartara tammaavara, qanoq iliussaanga?

Akileraartarnermut Aqutsisoqarfimmut saaffiginnissaatit nutaamillu piumallutit.

Nutaamik akileraartarnermut allagartartaarneq akeqarpa?
Naamik akeqanngilaq.

Nutaamik suliffittaarpunga ((Hovedkorti/bikorti/frikortilu 58.000 kr. ukiumut ataallugu).
Suliffittaaruit sulisitsisorisimasat saaffigissavat akileraartarnermut allagartat tigujumallugu sulisitsisortaannullu tunniullugu.
Suliffitit marlunngorpata sulisitsisortaannut bikortit tunniutissavat.

Aapparma ilanngaataa uannut nuutsinniarukku qanoq iliussaanga?
Aappat suliffeqanngippat Siumoortumik nalunaarsuinermut immersuilerussi ilanngaat nuutsinniarlugu qinnutigisinnaavarsi.
Aappat suliffeqalerpat/isertitaqalerpat pingaaruteqarpoq ilanngaat allanngortinniarlugu Akileraartarnermut Aqutsisoqarfimmut saaffiginninnissarsi.