2024-mut nammineerluni nalunaarsuiffimmi kukkuneq pillugu nalunaarut

Akileraartarnermut Aqutsisoqarfiup sapaatip-akunnerani kingullermi 2024-mut nammineerluni nalunaarsuiffiit nassiussuuppai.

Akileraartarnermut Aqutsisoqarfiup qarasaasiatigut sullissisuanit kukkuluttortoqarneratigut nammineerluni nalunaarsuinissamut immersugassaq kukkusoq nassiussuunneqarsimavoq. Kukkuneq immersugassamik tigusisussamut toqqaannartumik sunniuteqartussaanngilaq. Kisiannili nammineerluni nalunaarsuiffimmi nassiunneqartumi allaaserisap oqaasertaasa ilai nalunaarsuiffimmut ilanngutassaanngikkaluarput. Akileraartarnermut Aqutsisoqarfiup pisarissersuineq ajuusaarutigaa.

Nammineerluni nalunaarsuiffimmi nassiunneqartumi kukkussut tassaavoq nalunaarsuiffik ukiut siuliineersuummat. Tamanna pissutigalugu immersugassat oqaasertaliussallu atorunnaarnikunik ilaqarmata. Immersugassami immersuiffissat atorneqartussaanngitsut tassaapput:

• 17 Nunani allani soraarnerussutisiassatigut aaqqissuussinermut akiliutit akileraaruserneqartussat, akissarsiat allagartaani imm. 110b.
• 40-49 akeqanngitsumik ajunngitsorsiat 2021-mili sulisitsisunit aningaasarsiatut A-tut nalunaarutigineqartalerput.
• Nemkonto pillugu allaaserisaq peerneqarnikuuvoq.

Tamatuma saniatigut immersuiffissami 15-imi suliffeqanngikkallarnermi ikiorsiissutit allaqqapput. Taakku tassaasussaagaluarput suliffissarsiortunut ikiorsiissutit.

Nammineerluni nalunaarsuineq, piumasaqaatit piffissaliussallu

Maluginiaqquneqarpoq nammineerluni nalunaarsukkap piffissaq eqqorlugu nassiunnissaanut piffissaliussat. Innuttaasunut akileraartussaatitaasunut tamanut piffissaliussaq tunngaviusumik  tassaavoq 1. Maj 2025.

Suliffeqarfinnut piffissaliussaq aamma 1. Maj 2025-uvoq, makkununnga:

• pappiaqqakkut immersuisunut.
• Suliffeqarfiup isertitai ukiut siuliini missingersuinikkut angissusilerneqarsimappata.

Qarasaasiatigut nalunaaruteqaruit aammalu isertitatit siusinnerusukkut missingersuinikkut angissusiligaanngippata, nammineerluni nalunaarsuinermut piffissarititaavoq 15. Maj 2025.

Malugiuk: Eqqunngitsumik imaluunniit amigartumik nammineerluni nalunaaruteqaruit immikkut akiliutissinneqarsinnaavutit.

Nammineerluni nalunaarut piffissaq eqqorlugu nassiutinngikkukku imaluunniit amigaateqarpat akileraarutivit saniatigut 200 kr.-nik immikkut akiliutissinneqassaatit, ullup unnuallu aallartinneri tamaasa. Akissarsialinnut il.il. akileraarutinut immikkut akiliutissaq 2000 kr.-it tikillugit angissuseqarsinnaavoq namminersorlutillu inuussutissarsiutilinnut 5000 kr.-it tikillugit angissuseqarsinnaalluni.