Suila-tapit – sulinermut ilanngaatisiassat - sulinermik inuussutissarsiuteqartunut tunniunneqartassapput. Kikkut aningaasanik pisassanersut takoriartigit.
- Akannguaq. Qaammammut akileraarutinut akiliinnginnermini 22.000 kr.-inik aningaasarsisarpoq, taamaalilluni qaffasinnerpaanik Suila-Tapinik sulinermut ilanngaatisisassaaq.
- Nuka. Qaammammut akileraarutinut akiliinnginnermini 30.000 kr.-inik aningaasarsisarpoq. Taamaammat Nuka qaammammut 700 kr.-it missaannik Suila-Tapisisassaaq.
- Nukap uia Erik aalisartuuvoq. Qaammammut tunisaminit 30.000 kr.-inik iluanaaruteqartarpoq, taamaattumik Nukap pisartagaatut annertutigisunik Suila-tapinik tunineqartassaaq.
- Ulloriaq. Qaammammut 45.000 kr.-inik aningaasarsisarpoq, taamaattumillu suila-tapinik pisinnaatitaanngilaq. Ukiumut 500.000 kr.-nit sinnerlugit isertallit Suila-Tapinik pissarsisinnaanngillat.
- Jenseeraq namminersortuuvoq. Akileraarutit B-t akilereerlugit 5.900 aamma 41.700 kr.-nit akornanni qaammammut iluanaaruteqarsimaguni, taava Suila-tapinik tunineqartassaaq. Jenseeraq siumut pilersaarusiullaqqissuuvoq, siumoortumillu nalunaarsuiffik Sullissivik.gl-imiittoq immersornikuuaa, taamaalilluni qaammammut eqqortumik akileraartarpoq.