2025-miit sulinermut ilanngaatisisoqartalissaaq. Suila-tapinik taaguuserpavut.
Suila-tapit siunertaraat sulinermik kajumilersitsinissaq aammalu inuiaqatigiinni aningaasaqarnikkut naligiinnginnermik annikillisaanissaq.
Akissarsiatit aallaavigalugit qanoq annertutigisunik tunineqassanersutit inissinneqassaaq.
Suila-tapit qaammammut 1.313 kr.-nit tungaanut akileraarutitaqanngitsumik tapiliussaapput.
Suila-tapisiassat siulliit marsimi tunniunneqassapput. Januaarimullu tunniussassat tunniunneqassallutik.
Naatsorsuutigissavat Suila-tapit tunniunneqartarnissaat qaammatini marlunngornerit pingajuanni pisassammata.
Kikkut Suila-tapinik pissarsisarsinnaappat?
Ukiumut 70.000 kr.-imit 500.000 kr.-ip tungaanut isertitallit tamarmik pissarsisinnaapput.
Isertitat ilanngunneqartussat ukuupput:
• Akissarsiat
• Namminersorluni inuussutissarsiummik ingerlatani iluanaarutit
• Tunisanit iluanaarutit
• Suliffeqarfinnit iluanaarutisiat
Taamaattumik aalisartoq, pisiniarfimmioq, perorsaasoq sanasorlu namminersortoq Suila-tapinik pissarsisinnaapput.