2025 aallarnerfigalugu Sulinermut Ilanngaammik tunniussisarneq aallartissaaq. Suila-mik taaguuserparput.
Piffissaq eqqorlugu nalunaarsuisimanngikkuit, sulisuit martsimi januarimut sulinermut ilanngaammik tunineqanngitsooratarsinnaanerat akisussaaffigissavat.
Akileraartarnermut Aqutsisoqarfimmut paasisitsissallutit pisussaaffeqarputit
Una allagaq tiguat “Nikerartumik nalunaarsuisartutut” Sulinalimi 2024-mi nalunaarsorneqarsimagavit, imaluunniit 2024-p ingerlanerani kingusinaarlutit anigaasarsianik akileraarutinillu nalunaarsuisarsimagavit, nalunaarsuinngiivissimagavilluunniit.
2025-mi Suilap pilersinneqarnerata malitsigisaanik sulisitsisutut qaammatikkaartumik nassuiaammi sukumiisumi A1-imi aningaasarsianik, akileraarutinik, AMA-nik aamma nunani allani soraarnerussutisiassatigut aaqqissuussinernut akiliutit nalunaarsuinissavit eqqaamanissaat pingaaruteqarnerulerpoq.
Piffissaq eqqorlugu nalunaarsuinikkut Akileraartarnermut Aqutsisoqarfik pisinnaatilissavat nalilersuinissaannut sulisorisatit sulinermut ilanngaammik tunineqartussanut ilaanersut.
Suila - Sulinermut ilanngaat januarimoortoq martsimi tunniunneqassaaq. Tamannali pisinnaavoq aatsaat Akileraartarnermut Aqutsisoqarfik paasitinneqarsimappat. Sulisitsisutut sulisuit akissarsiaannik nalunaarsuinikkut Akileraartarnermut Aqutsisoqarfimmut paasititsissaatit.
Sulinalimut iserasuaat: Sulisitsisut allattorsimaffiat - Sulisitsisut allattorsimaffiat
Taamaammat:
Sullissivik aqqutigalugu sulinermut ilanngaammut tunngasumik paasisaqarnerugit, uani: Sulinermut ilanngaat
Sullissivik aqqutigalugu qaammatikkaartumik nassuiaat sukimiisoq pillugu paasisaqarnerugit, uani: Qaammatikkaartumik nassuiaat sukumiisoq