Sulisitsisutut sulisutulluuniit sulisutsisup akiligaanik angalanerit akileraaruserneqartarneranut tunngatillugu inatsit pillugit nalornissuteqartaruit ilitsersuutissaqalerputit. Akileraartarnermut Aqutsisoqarfik taannarpiaq pillugu ilitsersuummik sanaqqammerpoq.
Ilitsersuummi ersarissumik nassuiarneqarpoq sulisitsisoq sunik akiliussisinnaanersoq akileraarutaasariaqanngitsunik. Assinganik aamma ersarissumik nassuiarneqarpoq inatsit suut atuunnersut sulisitsisup akiligaanik ilaquttat angalatinneqartarnerinut.
Ilitsersuut sulisitsumut sulisumullu paasiuminarsarlugu allagaavoq, assersuutinillu pisunut assigiinngitsunut tunngasunik aamma peqarluni. Aammattaaq suli pisariinnerulersikkumallugu ilitsersuummik naalisakkamik atorneqakkajuttunik imalimmik sananikuuvugut.
Ilistersuutit Akileraartarnermut Aqutsisoqarfiup nittartagaata iluani Sulisitsisut nalunaarsorsimaffiata quppernerata ataani akeqanngitsumik ajunngitsorsiat pillugit quppernitsinni nassaarisinnaavatit, uani:
Sulisitsisup akiligaanik angalanerit akileraaruserneqartarnerat – Ilitsersuut
Sulisitsup akiligaanik angalanerit akilernqartarnerannut akileraartarnermut inatsit – Quick guide
Angalalluarisi!
/Akileraartarnermut Aqutsisoqarfik