Ukiumut isertitaqarfiusumut 2025-mut Suila-tapinik annertuallaamik tunniunneqarsimasunik isumakkeerinninneq

Inatsisartut Aningaasaqarnermut Ataatsimiititaliaata arfininngornermi ulloq 10. oktober 2026 ataatsimiinnermini aalajangerpaa, ukiumut isertitaqarfiusumut 2025-mut innuttaasut Suila-tapinik annertuallaamik tunineqarsimasut tamarmik, 2025-mut Suila-tapinut akiitsuminnik isumakkeerfigineqassasut, ilanngaassinertaqanngitsumik.

Akileraartarnermut Aqutsisoqarfiup naatsorsuutigaa Suila-tapit ukiumut isertitaqarfiusumut 2025-mut annertuallaamik tunniunneqarsimasut isumakkeerneqarsinnaassasut, ullumikkumiit sapaatit akunneri marluk qaangiutsinnagit.

Innuttaasut ukiumut isertitaqarfiusumut 2025-mut Suila-tapinik annertuallaamik tunineqarsimanertik pissutigalugu tamakkiisumik ilaannakortumilluunniit utertitsisimasut, aamma naatsorsuutigissavaat akiliutigisimasamik NemKontoannut utertinneqarnissaat, ullumikkumiit sapaatit akunneri marluk qaangiutsinnagit.

Suila-tapinik annertuallaamik tunniunneqarsimasunut isumakkeerinninneq aamma aningaasat utertinneqareersimasut tunniunneqarnissaat ilanngaassinertaqassanngillat aningaasallu tamakkiisumik utertillugit tunniunneqassapput.

Suila-tapit pillugit apeqqutissaqaruit Akileraartarnermut Aqutsisoqarfik, oqarasuaatikkut 34 65 10-mut imaluunniit e-mailikkut uunga saaffigisinnaavat: suila@nanoq.gl