Akileraarutit sinnerinut akiligassap 2025-mi, 6% erniat sipaakkit akiliinikkut ulloq 20 november 2026 tikitsinnagu.
Innuttaasut akileraarutissat sinnerinik akiliisussatut augustimi allagarsisinneqartut ilagippatsit, taava aningaasanik sipaarsinnaavutit.
Nutaarsiassaq
1.000 kr.-it sinnerlugit sipaakkit – Akileraarutissat sinnerinut akiligassat 2025, skattekort 2027-kkut nuunneqartut kingusinnerpaamik novemberip 20-ani akilikkit
Innuttaasut akileraarutissat sinnerinik akiliisussatut augustimi allagarsisinneqartut ilagippatsit, taava aningaasanik sipaarsinnaavutit.
Akileraarutissat sinneri 16.981 kr.-it tikillugit amerlassusillit ukiup tulliani akileraarutitigut ilanngaatissavit naatsorsornissaannut nuunneqassapput. Nuussinermi 6%-imik taperneqassapput. Tassa imaappoq akileraarutissat sinneri 16.981 kr.-it 18.000 kr.-inngorlutik ukiup tulliani akileraarutitigut ilanngaatissaraluannit peerneqassapput.
Kisianni kingusinnerpaamik 20. november akiliiguit tapiliussaq sipaassavat. Taannalu 6%-i 1.019 kr.-it tikillugit angissuseqarsinnaavoq.
Akileraarutissat sinnerinut akiligassatit 16.981 kr.-init ikinneruppata aningaasat tamaasa akilersinnaavatit, 6%-ilu sipaarlugu.
Akileraarutissat sinnerinut akiligassatit 16.981 kr.-init amerlaneruppata, taava aningaasat akilersinnaasatit amerlanerpaamik 16.981 kr.-iusinnaapput. Sinneruttut pingasunngorlugit naafferartumik akiligassanngortinneqassapput.
Paasissutissat uani takusinnaavatit
Aningaasat ukiup tulliani akileraarutitigut ilanngaatissat naatsorsornissaannut nuunneqartussat inaarummik naatsorsuutip quppernerani siullermi takuneqarsinnaapput. Aningaasat akilersinnaasatit tassaapput akileraarutissat sinneri 6%-imik taperneqanngitsut. Taakku ataani assersuummi
Inaarummik naatsorsuutit inernilerneqarnera
Inaarummik naatsorsuut akileraarutissat sinnerinik akiligassaqartitsivoq. 2027-imut siumoortumik nalunaarusiomeqarninnut 16.981 koruunit, tapiliussaq 6% ilanngullugit katillugit 18.000 koruunit naatsorsuutigineqassapput. Kisitsit ilanngunneqartoq aammattaaq 2027-imut skattekortissanni allassimassaaq. Akileraarutissat sinnerinut akiligassaq sinneruttoq septembarimi, oktobarimi aamma novembarimi 2026 akiligassiissutigineqassapput. Akiligassiissutit taakku PBS aqqutigalugu akiligassiissutigineqassapput.
Aningaasat qanoq naatsorsorneqarsimanerat paaserusukkukku, tamanna inaarummik naatsorsuutip quppernerini tulliuttuni takuneqarsinnaavoq.
Imatut akiliissaatit
Aningaaserivikkut nuussillutit akiliissaatit. Kina akiliisuunersoq sunalu akilerneqarnersoq Akileraartarnermut Aqutsisoqarfiup takusinnaassavaa. Akileraarutissat sinnerinik akiligassanik nuunneqartunik akiliisinnaanermut periarfissaq § 5 malillugu akiliinermik taaneqartarmat, taanna akiliinermi nalunaarneqassaaq. Kina akiliisuunersoq takusinnaaniassagatsigu inuttut normut nalunaarneqassaaq. Kiisalu akiliut ukiumut aningaasarsiorfimmut sorlermut tunngassuteqarnersoq nalunaarutigissavat. Amerlanerpaat ukiup siulianut tunngasuusarput.
Akiliiffissaq tassaavoq Akileraartarnermut Aqutsisoqarfiup Grønlandsbanken A/S-imi kontua Reg.nr. 6471 Konto nr. 1002608. Akiliinermi makku oqaasertaliutissavatit:
Inuttut normut
Akiliineq ukiumut aningaasarsiorfimmut sorlermut tunnganersoq: soorlu 2025
·§ 5
Assersuut: 010101-0101 2025 § 5
Pingaarutilik - Malugiuk: Akiliineq kingusinnerpaamik pissaaq 20. november, nalornissuteqartoqassagaluarpallu akiliinermut uppernarsaat imaluunniit kontop assilinera atorlugu uppernarsarneqarsinnaassalluni.
Akiliinerit skattekortinnut sunniuteqassaaq
Kingusinnerpaamik 20. november akiliiguit Akileraartarnermut Aqutsisoqarfiup skattekortimik eqqortunik ilanngaatitalimmik tunisinnaavaatit. Skattekortissat decemberimi e-Boksikkut tigussavat.