Illit nammineq soraarnerussutisiassatit
Innuttaasut tamarmik soraarninngornissaminnut ileqqaartussaapput. Namminersorlu-tit inuussutissarsiummik ingerlataqaruit ileqqaarnissannut tunngavissaraatit suliffeqar-fiutivit sinneqartoorutai akileraaruteqaataasussat. Taassumalu saniatigut akissarsior-tuuguit, taava ileqqaarnissannut tunngavissaraatit aningaasarsiatit A-t aamma suliffe-qarfiutivit sinneqartoorutai.
Soraarnerussutisiassanut akiliutitit soraarnerussutisiaqalernissamut aaqqissuussiner-mut Kalaallit Nunaanniittumut akiliutaappata, taava taakku ilanngaatigisinnaavatit.
Illit sulisitsisut illilluunniit nammineq akiliisimaneq pillugu uppernarsaasimanngikkuit, taava ukiumi akileraarfissami tulliuttumi skattekortivit procentia Akileraartarnermut Aqutsisoqarfiup qaffassavaa.
Taamaaliornikkut soraarnerussutisiaqalernissamut ileq-qaarsimasassaraluatit Akileraartarnermut Aqutsisoqarfimmit akilersinneqassapput, il-lillu soraarnerussutisiaqalernissamut aaqqissuussannut illit atit atorlugu pilersinneqar-simasumut ikineqassallutik. Soraarnerussutisiaqalernissamut ileqqaarfiit police-ivillu normua Akileraartarnermut Aqutsisoqarfiup ilisimappagit, soraarnerussutisiaqalernis-samullu sillimmasiisarfiup aningaasat Akileraartarnermut Aqutsisoqarfimmit tiguju-mappagit/tigusinnaappagit, taava aningaasat soraarnerussutisiaqalernissamut aaqqis-suussinermut tassunga ikineqassapput.
Tamanna ima isumaqarpoq skattekortinni procenti ilanngaatissaq qaffanneqassasoq. Procentilli qaffaassutaasut illit nammineq soraarnerussutisiaqalernissamut ileqqaak-kannut ikineqartussaapput.
Soraarnerussutisiassannut akiliutitit Akileraartarnermut Aqutsisoqarfimmut uppernar-sarukkit, taava skattekortivit procentia iluarsineqassaaq.
Annertunerusumik paasisaqarit uani ’Soraarnerussutisiaqalernissamut aaqqissuussi-nermut peqataasussaatitaaneq’.