Ukiut tamarluinnarmik tassaapput ukioq akileraarfik.

Ukioq akileraarfik qaammatinik 12-inik sivisussuseqarpoq.

Tassa 1. januarimiit 31. decemberimut.

Akileraartarnermut Aqutsisoqarfiup inuussutissarsiortut, innuttaasut inuussutissarsiornikkut isertitallit kiisalu innuttaasut allarpassuit oktoberimili saaffigereertarpai.

Siumoortumik nalunaarsuiffissaq qarasaasiakkut oktoberimi ilinnut nassiutissavarput.

Immersugassaq siumoortumik nalunaarsuiffigissavat.

Kinguliini taaneqartunut ilaaguit paasissutissat siumoortumik nalunaarsuiffissanniittut eqqortuuneri misissorlugillu naqqitassaqarpata naqqissagitit pingaaruteqarluinnarpoq:

• Inuussutissarsiortuuguit.
• Akissarsiortutut aningaasarsiavit saniatigut isertitaqaruit.
• Taarsigassarsisimaguit taarsersuinerilluunniit naammassisimagukku, soorlu biilinut, inigisamut umiatsiamulluunniit.
• Ilinniagaqarnersiuteqaruit ukiumiluunniit aggersumi ilinniagaqarnersiuteqassangaguit.

Siusinnerusukkut isertitarisimasatit Akileraartarnermut Aqutsisoqarfiup paasissutissaatigippagit, taava paasissutissat taakku ukiumi akileraarfissami aggersumi qanoq isertitaqarumaarninnik eqqoriaanitsinni atussavagut.

Inussiarnersumik qinnuigaatsigit paasissutissat kukkusut naqqeqqullugit. Aningaasarsiornerit illit uagutsinnit ilisimaarineruat.

Siumoortumik nalunaarsukkatit Akileraartarnermut Aqutsisoqarfiup eqqortumik ilanngaasernissannut, akileraarutinik B-nik eqqortunik akiligassinnissannut aamma tunisinermi allagartamik eqqortumik procentilimmik tuninissannut atortarpai.

Sullissivik.gl aqqutigalugu immersuinissamut killigititaavoq 15. november.

Aningaasarsiornerit allannguuteqarpat siumoortumik nalunaarsukkatit Akileraartarnermut Aqutsisoqarfiup innuttaasunik sullissivianut saaffiginnillutit sukkulluunniit allanngortissinnaavatit.

Siumoortumik nalunaarsuinermut tunngasut uani annertunerusumik atuarsinnaavatit 

Siumoortumik nalunaarsuereeruit skattekorti eqqortumik ilanngaatitalik tunniussinnaavarput.

Skattekortit qarasaasiakkut e-Boksinut nassiunneqartarput. Tamanna decemberimi pisarpoq.

Skattekortit sulisitsisunnut tunniutissavat.

Skattekorti tigusat X-eqarpat sulisitsisuit tigoreersimassavaa. Taamaattoqartillugu illit iliuuseqartariaqanngilatit.

Allamik sulisitsisortaaruit skattekortimik nutaamik Akileraartarnermut Aqutsisoqarfimmit pisinnaavutit.

Taava akissarsisinnaalissaatit, taakkunanngalu akileraarsinnaalerlutit.

Aalisakkanik tunisisaruit tunisinermi akileraarutivit allagartaat atussavat.

Skattekortinut tunngasut uani annertunerusumik atuarsinnaavatit

Maanna ukioq ilivitsoq aningaasarsiorfigalugulu akileraarfigisassat ingerlassaaq.

Imaassinnaavoq aningaasarsianik A-nik, akissarsigaangavit akileraaruserneqartussanik isertitaqartutit.

Aamma aningaasarsianik B-nik isertitaqarsinnaavutit. Aningaasarsiat B-t ilinnut tunniunneqaraangamik akileraaruserneqarsimasanngillat. Kisianni taakku aamma akileraaruteqaataasussaapput.

Ilanngaatit

Ilanngaatit tassaapput aningaasarsiavit akileraaruserneqannginneranni ilanngaatigineqartussat.

Akissarsiortuuguit, taava ilanngaatitit akissarsisarnissannut agguataagaassapput.

Ukiup akileraarfiup ingerlanerani inummut ilanngaammik 48.000 kr.-iusumik ilanngaateqarputit.

Ilanngaammik aalajangersimasumik ukiumut 10.000 kr.-iusumik aamma ilanngaateqarputit.

Aningaasarsiat B-t ilanngaataannik 5.000 kr.-iusumik aamma ilanngaateqarputit.

Ernianut aningaasartuutit aamma ilanngaatigisinnaavatit.

Ilinniagaqartuugaanni immikkut ittunik ilanngaateqartoqartarpoq.

Inuussutissarsiummik ingerlataqartut aningaasarsiornerminnut atatillugu aningaasartuutitik tamaasa ilanngaatigisinnaavaat.

Inuussutissarsiortuuguit inuussutissarsiutinnut tunngatillugu aningaasartuutinnut isertitannullu uppernarsaatissatit ukioq akileraarfiusoq tamakkerlugu toqqortussavatit.

Taamaalillutit kingusinnerusukkut misissuiffigineqartussanngussagaluaruit piareersimanerussaatit.

Ukioq akileraarfiusoq ulloq 31. december naassaaq.

Ukiortaarsioraangatta ukiup akileraarfiusussap nutaap aallartinnera nalliuttorsiutigisarparput.

Ilanngaatit tassaapput aningaasarsiavit akileraaruserneqannginneranni ilanngaatigineqartussat.

Akissarsiortuuguit, taava ilanngaatitit akissarsisarnissannut agguataagaassapput.

Ukiup akileraarfiup ingerlanerani inummut ilanngaammik 48.000 kr.-iusumik ilanngaateqarputit.

Ilanngaammik aalajangersimasumik ukiumut 10.000 kr.-iusumik aamma ilanngaateqarputit.

Aningaasarsiat B-t ilanngaataannik 5.000 kr.-iusumik aamma ilanngaateqarputit.

Ernianut aningaasartuutit aamma ilanngaatigisinnaavatit.

Ilinniagaqartuugaanni immikkut ittunik ilanngaateqartoqartarpoq.

Inuussutissarsiummik ingerlataqartut aningaasarsiornerminnut atatillugu aningaasartuutitik tamaasa ilanngaatigisinnaavaat.

Inuussutissarsiortuuguit inuussutissarsiutinnut tunngatillugu aningaasartuutinnut isertitannullu uppernarsaatissatit ukioq akileraarfiusoq tamakkerlugu toqqortussavatit.

Taamaalillutit kingusinnerusukkut misissuiffigineqartussanngussagaluaruit piareersimanerussaatit.

Ukioq akileraarfiusoq ulloq 31. december naassaaq.

Ukiortaarsioraangatta ukiup akileraarfiusussap nutaap aallartinnera nalliuttorsiutigisarparput.

Kisianni akileraarpallaarsimallutit utertuussanersutit akileraarutissalluunniit sinnerinik akiliissanersutit aalajangertinnatigu piffissaq ingerlagallassaaq.

Ukioq akileraarfiusoq qaangiuppat ukiup qaangiuttup ingerlanerani qanoq isertitaqartigisimanerlutit sunillu ilanngaatigineqarsinnaasunik aningaasartuuteqarsimanerlutit nalunaarfigissavatsigut. Tamanna tassaavoq nammineerluni nalunaarsuineq.

Akileraartarnermut Aqutsisoqarfik illit pillutit paasissutissanik assigiinngitsunik peqarpoq. Taakku nammineerluni nalunaarsuiffissami naqeriikkami martsip qaammataani ilinnut nassiutissavagut, taannalu e-Boksikkut tigussavat.

Paasissutissat eqqortuunerat illit misissugassaraat.

Eqqaamajuk imaassinnaammat ilanngaatissaqartutit, soorlu sulisut kattuffiinut ilaasortaanermut akiliutit, erniat aamma namminersorluni inuussutissarsiortutut aningaasartuutit.

Inuussutissarsiummik ingerlataqaruit nammineerluni nalunaarsuiffimmik nassiussisussaavutit. Aamma naatsorsuutivit nassiunnissaat eqqaamassavat.

Nammineerluni nalunaarsuiffimmik naatsorsuutinillu nassiussinissamut piffissaq kingulleq tassaavoq 1. maj.Qarasaasiakkut nassiussissaguit piffissaq kingulleq tassaavoq 15. maj.

Paasissutissanik naatsorsuutinillu piffissaq eqqorlugu tunniussaqanngikkuit tamanna ullormut 200 kr.-inik akiligassinneqaatigissavat, 5.000 kr.-it tikillugit.

Nammineerluni nalunaarsuineq aamma tassaavoq illit suliffeqarfiutivit ingerlannerani aningaasartuutigisimasavit nalunaarutiginissaannut ilanngaatiginissaannullu periarfissaq.

Innuttaasut suliffeqarfiillu nammineerlutik nalunaarsuiffiini paasissutissat Akileraartarnermut Aqutsisoqarfiup majip naalerneraniit augustip tungaanut misissorlugit ulapputigisarpai.

Imaassinnaavoq Akileraartarnermut Aqutsisoqarfiup attavigigaatit, aningaasaqarnerillu pillugu paasissutissanik amerlanerusunik qinnuigalutit.

Inaarummik naatsorsuummik augustimi nassinneqassaatit.

Taanna tassaavoq ukiup akileraarfiusup siuliani akileraarutissavit tamarmiusut naatsorsorneqarfiat.

Akileraarutinut akiliivallaarsimaguit aningaasanik utertitsivigineqassaatit. Aningaasat illit NemKontunnut nuunneqassapput.

Pisortanut akiitsoqaruit, taava taakku akileraarutinut akiliivallaarutivit ilinnut tunniutinnginneranni akilersinneqaqqaassapput.

Akileraarutinut akiliinikippallaarsimaguit akileraarutissat sinnerinik akiliissaatit.

Akileraarutissat sinneri pingasunngorlugit agguarlugit akiligassiissutigineqartarput; septemberimi, oktoberimi aamma novemberimi.

Inaarummik naatsorsuummut tunngasut uani annertunerusumik atuarsinnaavatit