Aalisakkanik tunisigaangavit piffissami tunitsiviusumi akileraarutit akilertarpatit. Tunisinermi akileraarutinut allagartat atussavat, tassani allaqqammat procenti akileraarutissat.

Tunisassiorfiup tunitsivigisavit akileraarutit Akileraartarnermut Aqutsisoqarfimmut nalunaarutigalugillu akilertarpai.

Akunnittarfinnut niuertarfinnulluunniit aalisakkanik tunisaqaraangavit tunisinermi akileraarutinut allagartat atussanngilat. Taamaakkaluartoq aningaasarsiannit akileraartussaavutit! Tamanna ima pisarpoq: Akunnittarfiup niuertarfiulluunniit aalisagaatinnik pisisup pisinertik nalunaarutigisussaavaat. Aningaasarsiat ukiumoortumik allagartaata (immersugassap A11-p) sulisitsisut nalunaarsorsimaffiannut Sulinal-imut nassiunneranni tamanna paasissutissiissutigissavaat, tamannalu kingusinnerpaamik pissaaq ukiup aningaasarsiorfiup qaangiunnerata kingorna januarip 31-ani.