Ilinniagaqartut innuttaasutut allatuulli akileraartarnermi maleruagassani pineqartunut ilaapput. Taamaakkaluartoq eqqumaffigisariaqakkatit arlaqarput.

Danmarkimi ilinniagaqartuuguit, taava Danmarkimi Kalaallillu Nunaanni akileraartussaasinnaavutit.

Danmarkimi ilinniagaqarninni ilanngaatinik immikkut ittunik aamma ilanngaateqarsinnaavutit.

Pingaartoq: Kalaallit Nunaanni ilinniagaqartut

Ilinniagaqartuuguit ilinniagaqarnersiutinik qinnuteqarsinnaavutit. Ilinniagaqarnersiutit aningaasarsiatut B-tut isigineqarput.

Ukiup ingerlanerani qanoq amerlatigisunik aningaasarsiaqassanganerlutit Akileraartarnermut Aqutsisoqarfik ilisimatinngikkukku, akileraarutissat sinnerinut amerlasuunik akiligassaqalersinnaavutit. Akileraartarnermut Aqutsisoqarfik ilisimatissinnaavat siumoortumik nalunaarsuinerpit allanngortinneratigut.

Ilinniagaqarnermut atatillugu ilinniarnermi taarsigassarsiat aamma meeqqanut immikkut tapit akileraaruteqaataasussaanngillat.