Sulisuuguit, taava ileqqaarnissamut tunngavissaraatit aningaasarsiatit akileraaruteqaataasussat. Namminersorlutit inuussutissarsiummik ingerlataqartuuguit, taava ileqqaarnissamut tunngavissa-raatit suliffeqarfiutivit sinneqartoorutai akileraaruteqaataasussat.
Aningaasarsiat makku aamma ileqqaartussaanermi pineqartunut ilaammata eqqumaffigiuk:
- Sulisilluni ajoqusersimanermi ataasiartumik taarsiissutit.
- Erninermut atatillugu sulinngiffeqarnermi akissarsiat
- Ilinniartut praktikkertut akissarsiaat
- Kommunalbestyrelseni ilaasortatut akissarsiat (borgmesterip akissarsiai kisiisa pinnagit)
- Siusinaartumik soraarnerussutisiavit saniatigut aningaasarsiatit
Eqqumaffigissavattaaq soraarnerussutisiaqalernissamut akiliutitit soraarnerussutisiaqalernissamut sillimmasiisarfimmut inatsimmi pineqartunut ilaasumut akiliutaanissaat. Tassa imaappoq soraarnerussutisiaqalernissamut sillimmasiisarfimmut Finanstilsynimit akuersissuteqarfigineqartumut.
Aningaasarsiat soraarnerussutisiaqalernissamut aaqqissuussinermut peqataasussaatitaaneq pillugu inatsimmi taaneqartut kisimik ileqqaarnissamut tunngavissanut ilaasussaanngillat. Inatsit uaniippoq: L 21 2016 (nalunaarutit.gl)
Soraarnerussutisiaqalernissamut aaqqissuussineq pillugu uppernarsaat PDF-inngorlugu uani aasinnaavat 
Soraarnerussutisiaqalernissamut aaqqissuussineq pillugu uppernarsaat Excel-inngorlugu uani aasinnaavat 