Kalaallit Nunaannut akileraartussaaguit soraarnerussutisiaqalernissamut aaqqissuussinernut Kalaallit Nunaanniittunut amerlanernut akiliutitit akileraarutitigut ilanngaatigisinnaavatit. Tun-niunneqartalerpata akileraarutit akilertassavatit.

Soraarnerussutisiaqalernissamut aaqqissuussinernut nammineq pilersissimasanut akiliutit amer-lanertigut ilanngaatigineqarsinnaapput. Soraarnerussutisiassat sulisitsisumit akilerneqartartut piffissami akilerneqarfianni akileraaruserneqassanngillat. Pisut taakku marluk ima paasisariaqar-put, innuttaasut piffissami akiliiffiusumi akileraartinneqassanngitsut. 
Nammineerlutit akiliiguit akiliutitit nammineerluni nalunaarsuiffimmut nalunaarsorsinnaavatit ilanngaatigalugillu.

Soraarnerussutisiassatit atorfinitsitaarnerpit ilaattut akilerneqartarpata, taava sulisitsisuit taakku akissarsiat pillugit paasissutissanut ilanngullugit sulisitsisut nalunaarsorsimaffiannut nalunaaruti-gissavai. Taava akissarsiat ilaat soraarnerussutisiaqalernissamut aaqqissuussivigisannut akilerne-qartut akileraarusernagit akissarsiavit sinneri kisimik akileraaruserneqassapput. Imaappoq akile-raarutitigut ingerlaannaq iluaquserneqassaatit, aamma tamanna akissarsiavit allagartaanni taku-sinnaallugulu soraarnerussutisiassanut akilerneqartut takusinnaavatit.

Kalaallit Nunaannut akileraartussaaguit, taava soraarnerussutisiaqalernissamut aaqqissuussiner-nut Kalaallit Nunaata avataaniittunut akiliutigineqartunit akileraartussaavutit. Tamanna soraarne-russutisiassanik aaqqissuussivittut neqerooruteqartunut inatsimmit akuerineqartunut tamanut atuuppoq, tassa imaappoq Finanstilsynimit akuerisaasunut tamanut. Eqqumaffigisassalli tassaa-voq, soraarnerussutisiaqalernissamut aaqqissuussinerit nunani allani aningaaserivinniittut, matu-mani aamma Danmarkimiittut Kalaallit Nunaanni inatsimmut tunngatillugu AKUERISAANNGIM-MATA. Taaguut tassaatinneqarpoq siuartitamik akileraarusiineq. Malugeqquneqarporli, ATP-mut aamma tjenestemanditut soraarnerussutisiassanut akiliutit ilanngaatigineqarsinnaanerat/akileraa-ruserneqannginnissaat atuutiinnarmata.

Soraarnerussutisiaqalernissamut aaqqissuussinermut nammineq pilersissimasannut akiliisaruit, taava tamanna aningaasat akileraaruseriikkat atorlugit pisarpoq. Taamaammat akiliutit akileraaru-serneqassanngillat.

Soraarnerussutisiaqalernissamut aaqqissuussinermut akiliutaasartut sulisitsisuit akissarsisitsiner-minut atatillugu akilertarpagit, taava akiliutigineqartut akileraaruserneqarnissaat sulisitsisup isu-magisassaraa. 

Siuartitamik akileraarusiisarnermik inatsit 2017-imi akuersissutigineqarpoq, kisianni soraarnerus-sutisiassanut Kalaallit Nunaata avataaniittunut 1. januar 2017 sioqqullugu akiliutinut atuutinngi-laq.
Soraarnerussutisiaqarnissamut aaqqissuussinernut Kalaallit Nunaata avataani inissisimasunut akileraarusiineq siuartitaq ukunani allannguuteqassanngilaq:

• Kalaallit Nunaanni soraarnerussutisiaqarnissamut neqerooruteqartunut akiliutit.

• Tjenestemandit soraarnerussutisiassaannut akiliutit.

• ATP-imut akiliutit.

Aaqqissuussinerpit inatsimmi pineqartunut ilaanera qulakkeeruk
Aningaaserivimmi Danmarkimiittumi nunamiluunniit allamiittumi ileqqaarnissat toqqarukku, taava imaassinnaavoq aaqqissuussineq taanna illit soraarnerussutisiaqalernissamut aaqqissuussinermut peqataasussaatitaaneq pillugu inatsit naapertorlugu ileqqaartussaatitaanerpit naatsorsorneqarne-rani akuerineqarsinnaanngitsoq. Aamma imaassinnaavoq soraarnerussutisiaqalernissamut aaqqis-suussinermit tassannga tunniunneqartalersussat akileraaruteqaatigissagitit. 

Akerlianilli soraarnerussutisiaqalernissamut aaqqissuussinermut aningaaserivimmi Kalaallit Nu-naanniittumi ileqqaaruit, taava akiliutitit soraarnerussutisiaqalernissamut aaqqissuussinermut peqataasussaatitaaneq naapertorlugu ileqqaartussaanerpit uppernarsarnissaanut atorsinnaavatit. Aammalu soraarnerussutisianit ataasiaannarlutit akileraarnissat qulakkiissavat.

Marloriaammik akileraarnissaq pinngitsoorniarlugu Kalaallit Nunaata nunat allat, matumani aam-ma Danmark akileraartarneq pillugu assigiinngitsunik isumaqatigiissuteqarfigai.

Ilitsersuut una akileraartarneq pillugu Danmarkimut isumaqatigiissutip imarisaanik nassuiaammik imaqarpoq. Kalaallit Nunaata aamma Danmarkip marloriaammik akileraarnissaq pinngitsoorniarlugu isuma-qatigiissutaasa imarisaat Kalaallit Nunaata aamma nunat allat isumaqatigiissutaannit annertuuti-gut allaassuteqarput.

Kalaallit Nunaata aamma nunat allat, matumani aamma Danmarkip akileraartarneq pillugu isuma-qatigiissutaat pillugit paasissutissat takuniarukkit tamanna uani pisinnaavoq, isumaqatigiissutit ataasiakkaat uaniipput.

Marloriaammik akileraarnissaq pinngitsoorniarlugu isumaqatigiissut soraarnerussutisiaqalernis-samut aaqqissuussinerpit akileraaruserneqarneranut aamma pingaaruteqarsinnaavoq.

Marloriaammik akileraarnissaq pinngitsoorniarlugu isumaqatigiissummi tamatigut imaattarpoq, nuna najugarisaq akileraarusiisuusarluni. 

Soraarnerussutisiat nammineq pilersitat taamaallaat nunami najugarisami akileraaruserneqarsin-naapput. Tassa imaappoq nunami akileraartussaaffigisanni. 

Soraarnerussutisiassat piffissami akilerneqarfianni akileraaruserneqareersut akileraarutaannik aki-ligassinneqassagaluaruit, imaluunniit nunap ileqqaarfivit nunap najugarisavit akileraarusiinerata saniatigut akileraartinniarpatit, taava akileraarutissavit ikilisinneqarnissaat qinnutigisinnaavat. Up-pernarsaatissanik pisariaqartunik pissarsinissat soraarnerussutisiaqalernissamut sillimmasiisarfivit pigissavai.

Nunani Kalaallit Nunaata marloriaammik akileraarnissaq pinngitsoorniarlugu isumaqatigiissute-qarfiginngisaani soraarnerussutisiaqalernissamut aaqqissuussinermut akiliisaruit, taava malerua-gassat allat atuussinnaapput. Nunami pineqartumi akileraartarnermut maleruagassat suuneri mi-sissussagitit inassutigaarput.

Kalaallit Nunaannut akileraartussaaguit, soraarnerussutisiaqalernissamulli aaqqissuussinerit Nunatta avataaniippat, matumani aamma ilanngullugit Danmarkimi § 53a naapertorlugu aaqqissuussinerit, taava eqqumaffigissavat tassannga iluanaarutitit akileraaruteqaatigisussaagakkit. Tamanna taagorparput KAS.

Pigisanit pissarsiat akileraarutaat tassaavoq akiliutigisimasanit ukiumoortumik iluanaarut ima-luunniit annaasaq (iluanaarutaanngitsoq).
Inuunermut sillimmasiissutit imaluunniit soraarnerussutisiaqalernissamut aaqqissuussinerit ilua-naarutitaqarpat, taava iluanaarutit 15,3%-iat akileraarutigissavat. Soraarnerussutisiaqalernissamut aaqqissuussinerit iluanaarutitaqarani annaasaqarpat, annaasat taakku piffissap ukiunik qulinik sivisussuseqartup iluani, aaqqissuussinerup taassuma iluanaaruti-taanit ilanngaatigisinnaavatit.

Soraarnerussutisiaqalernissamut aaqqissuussinerit nunani allaniittut (aamma Danmarkimiittut) ilaannit pissarsiat akileraaruserneqartussaammata taakku ukiup tulliani kingusinnerpaamik 1. maj naammineerlutit nalunaarsortussaavatit. Tassa imaappoq nammineerluni nalunaarsuinissamut piffissaliussaq nalinginnaasoq malillugu.

Eqqumaffigiuk pigisanit pissarsiat akileraarutaat 1. september akiligassatut akiligassiissutigineqar-tarmat, ullorlu piffissaagallartillugu akiliiffissaq kingulleq tassaammat 20. september.

Soraarnerussutisiaqalernissamut aaqqissuussinerit Kalaallit Nunaanniittut akileraarutaat PAL-skat

Soraarnerussutisiaqalernissamut aaqqissuussinerit Kalaallit Nunaanniippat – SISA-mi, Grønlands-bankimi imaluunniit BankNordik-imi – taava Pigisanit pissarsiat akileraarutaat aamma akilissavat. Tamannali inatsit alla malillugu pissaaq, pigisanillu pissarsiat akileraarutaat taanna matumani tas-saavoq PAL. PAL aamma iluanaarutit 15,3%-eraat. Paasissutissalli illit misissoqqaartariaqarnagillu nammineerlutit akiliisariaqanngilatit, tassami aningaasat taakku soraarnerussutisiaqalernissamut sillimmasiisarfinnit toqqaannartumik akilerneqartarput.

PAL-skat aamma atuuppoq soraarnerussutisiaqalernissamut aaqqissuussinerit Danmarkimiittut ilaannut, 2017 sioqqullugu pilersinneqarsimasunut. Soraarnerussutisiaqalernissamut aaqqissuussinerpit imaluunniit inuunermut sillimmasiissutivit danskit soraarnerussutisiassat iluanaarutaannik akileraarusiisarnermik inatsisaanni pineqartunut ilaanersoq nalornissutigigukku soraarnerussutisiaqalernissamut aningaasaateqarfiit imaluunniit inuunermut sillimmasiisarfiit saaffigisinnaavat.

Soraarnerussutisiaqalernissamut sillimmasiisarfivit paasissutissat pigai

Soraarnerussutisiaqalernissamut sillimmasiisarfiit aamma soraarnerussutisiaqalernissamut aningaasaateqarfiit sullitamik soraarnerussutisiassaminnit iluanaarutaat ukiumoortumik taakkununnga nalunaarutigisussaavaat. Soraarnerussutisiassannit iluanaarutivit sukumiisumik takussutis-sartaat soraarnerussutisiaqalernissamut aaqqissuussivinnit pisinnaavat – tamanna amerlanertigut pisarpoq taakku nittartagaanni imminut sullissiviit aqqutigalugit. Soraarnerussutisiassat iluanaaru-titaasa naatsorsuutaat pillugit paasissutissat imaluunniit qanoq naatsorsorneqarnerat Akileraartarnermut Aqutsisoqarfiup piginngilai. Taakku pillugit paasissutissat soraarnerussutisiassanik aaqqissuussiviit kisimik pigaat. Taamaammat iluanaarutitaasa naatsorsorneqarnerannut tunngatillugu apeqqutissaqaruit soraarnerussutisiaqalernissannut aaqqissuussiviit attavigissavat.

Imaassinnaavoq illit soraarnerussutisiaqalernissamut sillimmasiisarfiit Akileraartarnermut Aqutsisoqarfiup isumaqatigiissuteqarfigigaa. Taamaassimappat pigisanit iluanaarutivit akileraarutaat soraarnerussutisiaqalernissamut sillimmasiisarfimmit akilerneqassaaq, illimmi tassani kontut atuuttuartillugu aningaasat illit soraarnerussutisiaqalernissamut ileqqaakkannit ilanngaatigineqartassammata.

Akileraartarnermut Aqutsisoqarfiup soraarnerussutisiaqalernissamut sillimmasiisarfiit makku isumaqatigiissuteqarfigai: PFA Pension, Forsikringsaktieselskab PensionDanmark, ukioq akileraarfik 2021 aallarnerfigalugu, Topdanmark ukioq akileraarfik 2021aallarnerfigalugu aamma Danica Pension, ukioq akileraarfik 2022 aallarnerfigalugu.

Akileraartarnermut Aqutsisoqarfiup ilitsersuutaa takusinnaavat uani. 

Inatsit Soraarnerussutisiaqalernissamut aningaasaatit ilaannit pissarsiat akileraaruserneqartarnerat pillugu Inatsisartut inatsisaat.