Kalaallit Nunaata Danmarkilluunniit avataani soraarnerussutisiaqalernissamut aaqqissuussinermik peqaruit, aammalu piffissami ukiunit aningaasarsiorfinnit marlunnit sivikinnerusumi Kalaallit Nunaanniissaguit nunami allami soraarnerussutisiaqalernissamut aaqqissuussinerpit ileqqaartussaa-titaaninnut naammassinnissutaanissaa qinnutigisinnaavat. Piumasaqaatit makku naammassisimassavatit:
- Qanittukkut Kalaallit Nunaannut tikissimassaatit. Tassa Kalaallit Nunaannut sivisunerpaa-mik qaammatini pingasuni akileraartussaareersimassaatit.
- Suliffittaarnerit pissutigalugu Kalaallit Nunaannut nuussimassaatit.
- Norgemiit, Islandimiit, Savalimmiuniit imaluunniit nunamit EU-mut ilaasortaasumiit Kalaallit Nunaannut nuussimassaatit.
- Piffissami ukiunit aningaasarsiorfinnit marlunnit sivikinnerusumi Kalaallit Nunaanniinnissat naatsorsuutigivat. Malugiuk, ukioq aningaasarsiorfik tassaavoq 1. januarimiit 31. decemberimut. Assersuutigalugu ulloq 1. marts tikikkuit, ukiullu marluk qaangiunneranni 15. ja-nuar aallaruit, taava ileqqaartussaanngitsutut isigineqarsinnaassanngilatit, maaniinnerimmi ukiuni aningaasarsiorfinni pingasuniimmat
- Nunami qimatanni soraarnerussutisiaqalernissamut aaqqissuussinermik peqarputit, aaqqissuussinerlu taanna Kalaallit Nunaannut nuunnissat sioqqullugu pilersinneqarnikuuvoq.
Qinnuteqarniaruit immersussavat Soraarnerussutisiaqalernissamut aaqqissuussinermut Kalaallit Nunaata Danmarkilluunniit avataaniittumut akiliisarnissamik qinnuteqaat. Kalaallit Nunaanni suliffeqarninnut uppernarsaat, soorlu atorfinitsitaarnermut isumaqatigiissut ilanngullugu nassiutissavat. Ilanngulluguttaaq nassiutissavat nunami qimatanni soraarnerussutisiaqalernissamut aaqqissuussinerpit Kalaallit Nunaannut tikinnissat sioqqullugu pilersinneqarsimaneranut uppernarsaat.
Qinnuteqaat uppernarsaallu uunga nassiunneqassapput pension@nanoq.gl
Qinnuteqarnissamut immersugassaq PDF-inngorlugu uani aasinnaavat
Qinnuteqarnissamut immersugassaq Word-inngorlugu uani aasinnaavat