Sivikitsuinnarmik Kalaallit Nunaanni najugaqaruit tassungalu atatillugu sulillutit, taava marloriaammik akileraarnissaq pinngitsoorniarlugu isumaqatigiissutini pineqartunut ilaasinnaavutit. Tassani apeqqutaavoq nunamut sorlermut akileraartussaasimanersutit. Kalaallit Nunaata nunat 4-t marloriaammik akileraarnissaq pinngitsoorniarlugu isumaqatigiissuteqarfigai.

Marloriaammik akileraarnissaq pinngitsoorniarlugu isumaqatigiissutit uaniipput.

Nuna akileraartussaaffigisimasat marloriaammik akileraarnissaq pinngitsoorniarlugu Kalaallit Nunaannut isumaqatigiissuteqanngippat, taava ulloq siulleq aallarnerfigalugu akileraartussaalissaatit.

Akileraartarnermut Aqutsisoqarfik piffissap ilaannaani sulisunut ilitsersuummik suliaqarnikuuvoq.

Ilitsersuut uaniippoq.

Malugiuk, ilanngaatit angissusii ilitsersuummi allaqqasut ukiumiit ukiumut allanngortarput. Ilanngaatit angissusii nutaanerpaat Akileraartarnermut Aqutsisoqarfiup internetikkut nittartagaani ’nalunaarutit’ ataaniipput. Soorlu 2024-mut ilanngaatit angissusii uaniipput.

Eqqumaffigineqassaaq inuussutissarsiutit aalajangersimasut nalunaarsorneqarnissaat akileraartussaanerallu pillugit immikkut maleruagassaqarsinnaammat, soorlu; aatsitassarsiorneq, takornariaqarneq imaluunniit nipilersortartut/eqqumiitsuliortut.