Kommunip ataatsip iluani najugaqarfimmiit najugaqarfimmut allamut nuukkuit, tamanna akileraartarninnut sunniuteqarnavianngilaq. Eqqaamajuaannassavalli najukkavit inuit allattorsimaffianni nalunaarsorneqartup Sullissivik.gl-imi allanngortinnissaa, taamaalillutit allagarsiassatit najukkanni nutaami tigusarsinnaaniassagakkit.

Nuunneq pigajuppoq nutaamik suliffittaarnermi allatulluunniit annertuunik allanngortoqarnerani. Akeqanngitsumik ajunngitsorsianik (akeqanngitsumik oqarasuaateqarneq, interneteqarneq, akeqanngitsumik ineqarneq, akeqanngitsumik biileqarneq il.il.) sunik atugassinneqarsimanerit sulisitsisuit nalunaarsussallugu pisussaaffigigaluaraa, taakku eqqortumik nalunaarutigineqarnersut misissussallugu isumatusaarnerussaaq, taamaalillutimmi eqqortumik akileraarnissat qulakkiissagakku. Akeqanngitsumik biileqarnerup nalinga najukkamiit najukkamut allanngorartuuvoq.

Kalaallit Nunaanni kommunimiit kommunimut allamut nuunneq

Kommunimiit kommunimut allamut nuunnermi tamatigut eqqaamaneqassaaq inuit allattorsimaffianni najukkatut nalunaarsorsimasup Sullissivik.gl-imi imaluunniit kommunip innuttaasunik sullissiviani allanngortinnissaa.